Home /News /jobs /

NPTEL INVITES APPLICATIONS FOR 593 FREE ONLINE CERTIFICATE COURSES BY IITS IISC GH VB

NPTEL: నిరుద్యోగులకు ​ గుడ్​న్యూస్.. ఐటీ సెక్టార్​లో ఉద్యోగమే లక్ష్యంగా.. కోర్సు ప్రారంభం.. వివరాలిలా..

ప్రతీకాత్మక చిత్రం

ప్రతీకాత్మక చిత్రం

ఐఐటీ, ఐఐఎస్సీ సహకారంతో ఎన్​పీటీఈఎల్​ 593 ఆన్​లైన్​ సర్టిఫికెట్​ కోర్సులకు అర్హులైన అభ్యర్థుల నుంచి దరఖాస్తులు ఆహ్వానిస్తోంది. ఆసక్తి గల అభ్యర్థులు జనవరి 31లోపు www.swayam.gov.in వెబ్​సైట్​ ద్వారా దరఖాస్తు చేసుకోవాలి.

మారుతున్న కాలానికి అనుగుణంగా టెక్నాలజీలో(Technology) సైతం అనేక మార్పులు వస్తున్నాయి. కొత్త టెక్నాలజీల​పై పట్టు సాధించిన వారికే ఉద్యోగాలు దక్కుతున్నాయి. అందుకే, ప్రతిష్టాత్మక ఐఐటీ, ఎన్​ఐటీ, ఐఐఎస్సీ వంటి విద్యాసంస్థలు కొత్త కోర్సులను ఆఫర్ చేస్తున్నాయి. ఆయా కోర్సులను నేషనల్​ ప్రోగ్రామ్ ఆన్ టెక్నాలజీ ఎన్‌హాన్స్‌డ్ లెర్నింగ్ (NPTEL) భాగస్వామ్యంతో ఉచితంగానే అందిస్తున్నాయి. ఐఐటీ, ఐఐఎస్సీ సహకారంతో ఎన్​పీటీఈఎల్​ 593 ఆన్​లైన్​ సర్టిఫికెట్​ కోర్సులకు అర్హులైన అభ్యర్థుల నుంచి దరఖాస్తులు ఆహ్వానిస్తోంది. ఆసక్తి గల అభ్యర్థులు జనవరి 31లోపు www.swayam.gov.in వెబ్​సైట్​ ద్వారా దరఖాస్తు చేసుకోవాలి. ఈ కోర్సులను ఇంజనీరింగ్, సైన్సెస్, మేనేజ్‌మెంట్, హ్యుమానిటీస్​, సోషల్ సైన్సెస్ స్ట్రీమ్‌లలో ఉచితంగానే అందజేస్తుంది. అంతేకాదు, గ్రామీణ విద్యార్థులు సైతం ఐటీ సెక్టార్​లో ఉద్యోగాలు దక్కించుకునేలా కోర్సులను డిజైన్​ చేసింది.

Moto G71 5G: కాసేపట్లో మోటో జీ71 సేల్... 10 శాతం డిస్కౌంట్ పొందండి ఇలా

ఈ కోర్సులను ఐఐటీ, ఐఐఎస్సీ ఫ్యాకల్టీ సభ్యులు బోధిస్తారు. స్వయం ఎన్​పీటీఈఎల్​ పోర్టల్​ ద్వారా ఇంజనీరింగ్ విద్యార్థులకు డేటా సైన్స్, ఎలక్ట్రికల్ వెహికల్స్, పైథాన్, జావా, సి, సి++ వంటి ప్రోగ్రామింగ్ కోర్సులను ఉచితంగానే అందిస్తారు. కాగా, 2022 జనవరి సెమిస్టర్​ నుంచి హిందుస్థానీ సంగీతం, రీసెర్చ్​ మెథడాలజీ, ఆర్నిథాలజీ, డెంటల్​ విద్యార్థుల కోసం ఓరల్ బయాలజీ, ఇంజినీరింగ్​ విద్యార్థుల కోసం బ్లాక్‌చెయిన్, సైబర్​ సెక్యూరిటీ, మెషిన్​ లెర్నింగ్​ వంటి కోర్సులను కొత్తగా ప్రారంభించింది. అంతేకాదు, తమిళం, హిందీ భాషల్లో సిగ్నల్స్ అండ్​ సిస్టమ్స్ కోర్సును కూడా ప్రారంభించింది.

ఐఐటీ ప్రొఫెసర్లతో ఉచిత శిక్షణ..
ఫ్యాకల్టీల లైవ్​ ఇంటరాక్టివ్ సెషన్ల ద్వారా NPTEL వీడియో లెక్చర్లు, అసైన్‌మెంట్లు, క్లాసులు ఉంటాయి. లెర్నర్స్​ అభిరుచి మేరకు గ్రూప్​ డిస్కషన్స్​లో పాల్గొనవచ్చు. ఈ కోర్సుల్లో చేరేందుకు ఎటువంటి గరిష్ట వయోపరిమితి లేదా అర్హత అవసరం లేదు. ఏ వయస్సులో వారైనా నచ్చిన కోర్సులో ఉచితంగా రిజిస్ట్రేషన్​ చేసుకోవచ్చు.

Degree Jobs: మీరు డిగ్రీ పూర్తి చేశారా..? అయితే ఈ 500 పోస్టులు మీకోసమే.. ఎంపిక ప్రక్రియ, దరఖాస్తు వివరాలివే..


NPTEL గ్రామీణ భారతదేశంలోని విద్యార్థులకు ఇంటర్న్‌షిప్‌లు, సాఫ్ట్ స్కిల్స్ ట్రైనింగ్​ వంటివి కూడా ఆఫర్​ చేస్తుంది. NPTEL కోర్సు సర్టిఫికేషన్​కు జాతీయ, అంతర్జాతీయ స్థాయిలో గుర్తింపు ఉంటుంది. NPTEL ప్రకారం, ఇప్పటివరకు 1.58 కోట్ల మంది లెర్నర్లు అనేక కోర్సుల్లో నమోదు చేసుకున్నారు. అయితే, కోర్సు పూర్తయిన తర్వాత పరీక్ష రాయాల్సి ఉంటుంది. దీనికోసం నామమాత్రపు ఫీజు చెల్లించాలి. ఈ పరీక్షను భారతదేశంలోని 150 కంటే ఎక్కువ నగరాల్లో నిర్వహిస్తారు.
Published by:Veera Babu
First published:

Tags: Career and Courses, Private Jobs

తదుపరి వార్తలు