Home /News /jobs /

MIGRATION CERTIFICATE NOT MANDATORY FOR NEET UG COUNSELLING 2021 SAYS MCC GH VB

NEET UG 2021: నీటి అభ్యర్థులకు అలర్ట్.. కౌన్సెలింగ్ లో ఆ సర్టిఫికెట్​ తప్పనిసరి కాదు.. కానీ..

ప్రతీకాత్మక చిత్రం

ప్రతీకాత్మక చిత్రం

వైద్య విద్యార్థులకు వెసులుబాటు కల్పిస్తూ MCC నోటిఫికేషన్​ విడుదల చేసింది. కౌన్సెలింగ్​లో సమర్పించాల్సిన డాక్యుమెంట్లలో ఆ​ సర్టిఫికెట్​ ముఖ్యమైనదే కానీ తప్పనిసరేమీ కాదని తాజా నోటిఫికేషన్​లో పేర్కొంది. వివరాల్లోకి వెళ్తే..

నేషనల్ ఎలిజిబిలిటీ కమ్ ఎంట్రన్స్ టెస్ట్ (NEET​)–2021 కౌన్సెలింగ్ జరుగుతోంది. ఇప్పటికే కౌన్సెలింగ్​ ప్రక్రియలో రెండు రౌండ్లు పూర్తయ్యాయి. సీటు దక్కిన విద్యార్థులు ఆయా కాలేజీల్లో రిపోర్ట్ చేస్తున్నారు. అయితే, విద్యార్థులు తమ మైగ్రేషన్​ సర్టిఫికెట్ విషయంలో ఇబ్బందులు ఎదుర్కొంటున్నారు. దీన్ని తప్పనిసరిగా సబ్​మిట్​ చేయాలని నీట్–2021 నోటిఫికేషన్​లో(Notification) పేర్కొనడంతో సమస్య తలెత్తింది. అన్ని కాలేజీలు విద్యార్థులను మైగ్రేషన్​ సర్టిఫికెట్(Certificate)​ సబ్​మిట్​ చేయాల్సిందిగా కోరుతున్నాయి. దీంతో, అభ్యర్థులు నుంచి పెద్ద ఎత్తున మెడికల్ కౌన్సెలింగ్ కమిటీ (MCC)కి విజ్ఞప్తులు అందాయి. దీంతో, విద్యార్థులకు వెసులుబాటు కల్పిస్తూ MCC మరో నోటిఫికేషన్​ విడుదల చేసింది. కౌన్సెలింగ్​లో సమర్పించాల్సిన డాక్యుమెంట్లలో మైగ్రేషన్​ సర్టిఫికెట్​ ముఖ్యమైనదే కానీ తప్పనిసరేమీ కాదని తాజా నోటిఫికేషన్​లో పేర్కొంది. దీనికి సంబంధించిన అధికారిక నోటిఫికేషన్​ను కౌన్సిల్ అధికారిక వెబ్​సైట్​ www.mcc.nic.in లో పెట్టింది.

Russia Ukraine war: పుతిన్‌, జెలెన్‌స్కీకి PM Modi ఫోన్ కాల్.. కీలక సూచన -అలా చేస్తే యుద్ధం ఆగేనా!


తాజా నోటిఫికేషన్ ప్రకారం మైగ్రేషన్ సర్టిఫికేట్ లేని కారణంగా ఏ మెడికల్​ కాలేజ్​ కూడా ఏ ఒక్క స్టూడెంట్​ అడ్మిషన్​ క్యాన్సిల్​ చేయకూడదని స్పష్టం చేసింది. కాలేజీలో రిపోర్టింగ్ కోసం ఇకపై “తప్పనిసరి” పత్రం కాదు. ఇది ఆప్షనల్ సర్టిఫికెట్​ మాత్రమే అని స్పష్టం చేసింది. మైగ్రేషన్​ సర్టిఫికెట్ లేని కారణంగా విద్యార్థుల అడ్మిషన్​ రద్దు చేయకూడదని, ఈ సర్టిఫికెట్​ సబ్​మిట్​ చేసేందుకు గాను 7 రోజుల సమయం ఇవ్వాలని కాలేజీలను కోరింది. వారం రోజుల్లోగా మైగ్రేషన్​ సర్టిఫికెట్​ సబ్​మిట్​ చేస్తామనే షరతు మీద విద్యార్థులకు ప్రవేశం కల్పించాలని పేర్కొంది. మైగ్రేషన్​ సర్టిఫికెట్​ సమర్పించే వరకు, విద్యార్థులకు తాత్కాలిక ప్రవేశం కల్పించాలని ఎమ్​సీసీ కాలేజీలకు సూచించింది. మైగ్రేషన్​ సర్టిఫికెట్​ లేకపోతే, వారి ప్రవేశాన్ని రద్దు చేయకుండా తాత్కాలిక ప్రాతిపదికన అడ్మిన్​ ఇవ్వాలని అన్ని మెడికల్​ కాలేజీలను సర్క్యులర్​ జారీ చేసింది.

Jobs in Hyderabad: హైదరాబాద్‌లో ఉద్యోగ అవ‌కాశాలు.. ద‌ర‌ఖాస్తుకు వారం రోజులే గడువు

 మార్చి 10 నుంచి మాప్​అప్​ రౌండ్ రిజిస్ట్రేషన్లు షూరూ..
ఇదిలా ఉంటే, NEET UG కౌన్సెలింగ్ 2021 కోసం MCC రౌండ్ 2 ఫలితాలను ఫిబ్రవరి 27న విడుదల చేసింది. mcc.nic.inలో సీటు దక్కిన అభ్యర్థుల లిస్ట్ పెట్టింది. సీటు దక్కిన వారు తమ సీట్​ అలాట్​మెంట్​ లెటర్లను డౌన్‌లోడ్ చేసుకొని కాలేజీలో సబ్​మిట్​ చేయాల్సి ఉంటుంది. ఇక, మార్చి 10 నుండి, నీట్​ కౌన్సెలింగ్ 2021 మాప్-అప్ రౌండ్ రిజిస్ట్రేషన్లు ప్రారంభమవుతాయి. నీట్​ రెండో రౌండ్‌లో పాల్గొనని అభ్యర్థులకు మాప్ -అప్ రౌండ్​లో పాల్గొనే అవకాశం ఉంటుంది. నీట్​ కౌన్సెలింగ్ 2021 మాప్-అప్ రౌండ్ ఫలితాలను మార్చి 19న ప్రకటిస్తారు. ఎంప్లాయీ స్టేట్ ఇన్సూరెన్స్ కార్పొరేషన్ (ESIC), ఆర్మ్‌డ్ ఫోర్స్ మెడికల్ సర్వీసెస్ (AFMS), ఎయిమ్స్, జిప్​మర్​ వంటి ప్రతిష్టాత్మక సంస్థల్లో ఎంబీబీఎస్​, బీడీఎస్​, బీఎస్సీ నర్సింగ్ సీట్ల భర్తీకి నీట్ యూజీ పరీక్ష నిర్వహిస్తారు. అలాగే సెంట్రల్, డీమ్డ్ విశ్వవిద్యాలయాలు సైతం నీట్​ స్కోర్​ ఆధారంగా ప్రవేశాలు కల్పిస్తాయి.
Published by:Veera Babu
First published:

Tags: Career and Courses, NEET, Students

ఉత్తమ కథలు

తదుపరి వార్తలు