JNTU(A) Exams : త్వ‌ర‌లో ఆన్‌లైన్‌లోనే సెమిస్ట‌ర్ ప‌రీక్ష‌లు : జేఎస్‌టీయూ(ఏ)

జేఎన్‌టీయూ (అనంత‌రంపురం) విద్యార్థుల సౌక‌ర్యం కోసం కొత్త ప‌రీక్ష విధానం ప్ర‌వేశపెట్టింది. విద్యార్థుల‌కు ఆండ్రాయిడ్‌ మొబైల్ (Mobile) , ల్యాప్‌టాప్ (Laptop), ట్యాబ్ (Tab) వీటిలోఏదో ఒకటి ఉంటే చాలు. పరీక్ష హాలుకు వెళ్లాల్సిన పనిలేకుండా ఉన్నచోటి నుంచే ఆన్‌లైన్‌ (Online)లో పరీక్ష రాసేయొచ్చు. విద్యార్థులు ఎక్కడి నుంచైనా సరే ఆన్‌లైన్‌ పరీక్షలకు హాజరయ్యేందుకు వీలు కల్పించేలా జేఎన్‌టీయూ (అనంతపురం) ఈ స‌రికొత్త విధానానికి శ్రీకారం చుట్టింది. ఈ విధానాన్ని ముఖ్యంగా బీటెక్ సెమిస్ట‌ర్ మెయిన్ ప‌రీక్ష‌ల్లో అమ‌లు చేసేందుకు జేఎన్‌టీయూ (ఏ) క‌స‌ర‌త్తు చేస్తుంది.  అయితే ముందుగా ఈ విధానాన్ని బీటెక్ (BTech) మిడ్ ప‌రీక్ష‌ ల్లో అమలు చేస్తోంది. దీనికి సంబంధించి పైల‌ట్ ప్రాజెక్టుగా జేఎన్‌టీయూ అనంత‌పురం క్యాంప‌స్ ఇంజ‌నీరింగ్ క‌ళాశాల‌ (Engineering College) లో జ‌రిగిన మిడ్ ప‌రీక్ష‌ల్లో ఈ విధానాన్ని ప్రారంభించింది.

ఈ ప‌రీక్ష విధానం.. ఫీడ్ బ్యాక్‌ను ప‌రిశీలించిన త‌రువాత, అనుబంధ క‌ళాశాల‌ల్లో సెమిస్ట‌ర్ ప‌రీక్ష‌ల‌ను ఈ కొత్త విధానంలో నిర్వ‌హించే ఏర్పాటు చేస్తున్న‌ట్టు జేఎన్‌టీయూ (అనంత‌పురం) వీసీ జింకా రంగ‌జ‌నార్ధ‌న్ వెల్ల‌డించారు.

ఆన్‌లైన్ ప‌రీక్ష నిర్వ‌హించే విధానం..

Step 1: ఈ ఆన్‌లైన్ ప‌రీక్ష నిర్వ‌హ‌ణ కోసం జేఎన్‌టీయే (ఏ) ప్రత్యేక వెబ్‌పోర్ట‌ల్‌ (Web portal) ను ఏర్పాటు చేసింది.

Step 2: విద్యార్థి ముందుగా ఈ వెబ్‌పోర్ట‌ల్‌కు వెళ్లాలి.

Step 3: అనంత‌రం అందులో విద్యార్థికి ఇచ్చిన యూజ‌ర్ ఐడీ (User Id), పాస్‌వ‌ర్డ్‌ను న‌మోదు చేయాలి.

SSC Recruitment 2021: నిరుద్యోగుల‌కు శుభ‌వార్త‌.. 3,261 పోస్టుల భ‌ర్తీకి నోటిఫికేష‌న్ విడుద‌ల

Step 4: క్రెడెంన్షియ‌ల్స్ ఇచ్చిన త‌రువాత విద్యార్థి ధ్రువీక‌రించిన మెయిల్ ఐడీ (Mail Id)కి ప‌రీక్ష ప‌త్రం వ‌స్తుంది.

Step 5: అనంత‌రం ప‌రీక్ష ప‌త్రాన్ని తెరిచి ప‌రీక్ష రాయాలి.

Step 6: ఎటువంటి మాల్ ప్రాక్టీస్‌కు అవ‌కాశం లేకుండా ప‌రీక్షా ప‌త్రం కేవ‌లం నిర్దేశించిన స‌మ‌యం సేపు మాత్ర‌మే తెరిచి ఉంటుంది.

Step 7: ప‌రీక్ష స‌మయం పూర్త‌యిన త‌రువాత షెడ్యూల్ స‌మ‌యానికి లింక్ డీ యాక్టీవ్ అవుతుంది.

అదే బాట‌లో ఎన్ఐఓఎస్‌

అంతే కాకుండా నేషనల్ ఇన్​స్టిట్యూట్ ఆఫ్ ఓపెన్ స్కూలింగ్ (NIOS) ఈ ఆన్​లైన్ బోర్డు విధానాన్నితీసుకురానుంది. వర్చువల్ స్కూల్​ను దేశంలో తొలిసారి అమలు చేయనుంది. కరోనా(Corona) కారణంగా వ్యక్తిగత తరగతులు నిర్వహించడం కష్టంగా మారడం, భవిష్యత్తులో పరీక్షలకు ఎలాంటి అడ్డంకులు రాకుండా ఉండేందుకు ఆన్​లైన్ బోర్డు విధానాన్ని అనుసరించనుంది. మెటీరియల్స్​, ఆన్​లైన్​ పరీక్షల(Online Exams) నిర్వహణ కోసం డిజిటల్ లైబ్రరీని(Digital Library) సైతం ఏర్పాటు చేయనున్నారు.సాంకేతిక పరిజ్ఞాన్ని పూర్తిస్థాయిలో వినియోగించి ఆన్​లైన్ (Online) పరీక్షల నిర్వహణ ద్వారా విద్యార్థి పర్ఫార్మెన్స్​ను ఎన్​ఐఓస్​ నిర్ణయించనుంది. ఫిజికల్ క్లాసులు నిర్వహించేందుకు పరిస్థితులు ఎప్పుడు అనుకూలిస్తాయో తెలియని పరిస్థితుల్లో ఈ విధానం చాలా ఉపయోగపడుతుందని ఉన్న‌తాధికారులు తెల‌పుతున్నారు.

తెలుగు వార్తలు, తెలుగులో బ్రేకింగ్ న్యూస్ న్యూస్ 18‌లో చదవండి. రాష్ట్రీయ, జాతీయ, అంతర్జాతీయ, టాలీవుడ్, క్రీడలు, బిజినెస్, ఆరోగ్యం, లైఫ్ స్టైల్, ఆధ్యాత్మిక, రాశిఫలాలు చదవండి.

Tags: Anantapuram, Andhra pradesh news, EDUCATION, Engineering, University exams