హోమ్ /వార్తలు /జాబ్స్ & ఎడ్యుకేషన్ /

IITs: సైబర్ సెక్యూరిటీ నుంచి డేటా సైన్స్ వరకు.. వివిధ ఐఐటీలు అందిస్తున్న సరికొత్త కోర్సులు ఇవే..

IITs: సైబర్ సెక్యూరిటీ నుంచి డేటా సైన్స్ వరకు.. వివిధ ఐఐటీలు అందిస్తున్న సరికొత్త కోర్సులు ఇవే..

ప్రతీకాత్మక చిత్రం

ప్రతీకాత్మక చిత్రం

IITs: ఇండియన్ ఐఐటీలు ఈ ఏడాది నుంచి డేటా సైన్స్, మెడికల్ ఫిజిక్స్ వంటి కొత్త కోర్సులను ప్రారంభించాయి. కొన్ని కోర్సుల్లో చేరాలంటే ఐఐటీ ఎంట్రెన్స్ టెస్ట్ జేఈఈ అడ్వాన్స్‌డ్‌ను క్లియర్ చేయాల్సి ఉంటుంది. మరికొన్ని కోర్సులకు..

  • Trending Desk
  • Last Updated :
  • Hyderabad, India

ఇండియన్ ఐఐటీ (Indian IITs)లు ఈ ఏడాది నుంచి డేటా సైన్స్ (Data Science), మెడికల్ ఫిజిక్స్ (Medical Physics) వంటి కొత్త కోర్సులను ప్రారంభించాయి. కొన్ని కోర్సు(Courses)ల్లో చేరాలంటే ఐఐటీ ఎంట్రెన్స్ టెస్ట్ జేఈఈ అడ్వాన్స్‌డ్‌ (JEE Advance)ను క్లియర్ చేయాల్సి ఉంటుంది. మరికొన్ని కోర్సులకు అవసరమైన కనీస అర్హత ప్రమాణాల్లో ఉత్తీర్ణత సాధించాలి. ఈ ఏడాది ఐఐటీలు ప్రారంభించిన కొత్త కోర్సుల జాబితాను పరిశీలిద్దాం.

* ఐఐటీ మద్రాస్ - బీఎస్ ఇన్ ప్రోగ్రామింగ్ & డేటా సైన్స్‌

ఐఐటీ మద్రాస్ ఇప్పుడు ప్రోగ్రామింగ్ అండ్ డేటా సైన్స్‌లో బీఎస్ డిగ్రీని అందిస్తోంది. డేటా సైన్స్ అండ్ అప్లికేషన్స్‌లో నాలుగు సంవత్సరాల BS డిగ్రీ ఒక ఆప్షన్‌తో వస్తుంది. బీఎస్ లెవల్‌లో భాగంగా, విద్యార్థులు ఎనిమిది నెలల అప్రెంటిస్‌షిప్ లేదా కంపెనీలు లేదా పరిశోధనా సంస్థలతో ఒక ప్రాజెక్ట్ చేయవచ్చు.

ప్రస్తుతం 12వ తరగతి చదువుతున్న విద్యార్థులు కూడా దరఖాస్తు చేసుకుని ప్రోగ్రామ్‌లో అడ్మిషన్ పొందవచ్చు. అడ్మిషన్ పొందిన విద్యార్థులు 12వ తరగతి పూర్తిచేసిన తరువాత ప్రోగ్రామ్‌ను ప్రారంభిస్తారు. విద్యార్థులు ఏ స్ట్రీమ్‌లోనైనా నమోదు చేసుకోవచ్చు. వయోపరిమితి లేదు. 10వ తరగతిలో ఇంగ్లిష్, గణితం చదివిన వారందరూ దరఖాస్తు చేసుకోవడానికి అర్హులు. తరగతులు ఆన్‌లైన్‌లో నిర్వహించనున్నారు.

* ఐఐటీ హైదరాబాద్ - ఎంఎస్సీ ఇన్ మెడికల్ ఫిజిక్స్

ఐఐటీ హైదరాబాద్, మెడికల్ ఫిజిక్స్‌లో మూడేళ్ల మాస్టర్ ఆఫ్ సైన్స్ (MSc) ప్రోగ్రామ్‌ను ప్రారంభిస్తోంది. మెడిసిన్‌లో ఫిజిక్స్‌ కాన్సెప్ట్స్, టెక్నిక్స్ అప్లై చేయడానికి వరల్డ్‌కాస్ మెడికల్ ఫిజిసిస్ట్ స్పెషలిస్ట్‌లకు ట్రైనింగ్ ఇవ్వడమే ఈ ప్రోగ్రామ్ లక్ష్యం. ఈ ప్రోగ్రామ్ 12 నెలల పాటు జరగనుంది.

రేడియేషన్ ఫిజిక్స్, క్లినికల్ ఇమ్మర్షన్ అండ్ షాడోవింగ్, ఇండస్ట్రీ/క్లినికల్ లెక్చర్స్, షార్ట్ టర్మ్ ప్రాజెక్ట్స్ అండ్ క్లినికల్ ఇంటర్న్‌షిప్ (మూడవ సంవత్సరంలో) కోసం క్లినికల్ ఓరియంటేషన్‌ను అందించాలని ఐఐటీ హైదరాబాద్ భావిస్తోంది. సర్టిఫికేషన్ పొందాలంటే అభ్యర్థులు ఇంటర్న్‌షిప్ చేయడం తప్పనిసరి.

* ఐఐటీ పాట్నా - కంప్యూటర్ సైన్స్, బిజినెస్ మేనేజ్‌మెంట్

నేషనల్ ఎడ్యుకేషన్ పాలసీ (NEP-2020)కి అనుగుణంగా ఆరు కొత్త కోర్సులను ఈ ఏడాది నుంచి ప్రారంభించేందుకు ఐఐటీ పాట్నా కసరత్తు చేస్తోంది. కంప్యూటర్ సైన్స్ అండ్ మేనేజ్‌మెంట్ స్ట్రీమ్‌ల్లో మూడు చొప్పున కొత్త ప్రోగ్రామ్స్‌ను ప్రారంభించనుంది. ఇందులో మూడు సంవత్సరాల UG ప్రోగ్రామ్స్ 12వ తరగతి పాసైన వారి కోసం డిజైన్ చేశారు.

* ఐఐటీ మద్రాస్ - ఏఎల్, ఎంఎల్, సైబర్ సెక్యూరిటీ & కంప్యూటర్ గ్రాఫిక్స్‌లో కోర్సులు

ఐఐటీ మద్రాస్ ‘కటింగ్ ఎడ్జ్ టెక్నాలజీస్’లో ఉచిత కోర్సులను అందిస్తోంది. ఈ కోర్సులో అత్యుత్తమ ప్రతిభ కనబరిచినవారు సోనీ ఇండియా సాఫ్ట్‌వేర్ సెంటర్‌లో ఉద్యోగానికి అర్హత పొందుతారు. ఇంజినీరింగ్ డిగ్రీల్లో అకడమిక్ పనితీరు ఆధారంగా విద్యార్థులను ఎంపిక చేస్తారు.

ఇది కూడా చదవండి :  యూఎస్ వర్సిటీలో ఫ్రీ అడ్మిషన్.. 100 శాతం స్కాలర్‌షిప్ ఆఫర్.. ఇది కదా సక్సెస్ అంటే..

2020-2021, 2021-2022లో అన్ని పరీక్షల్లో కనీసం 60 శాతంతో గ్రాడ్యుయేట్ పూర్తిచేసి ఉండాలి. అలాగే తల్లిదండ్రుల వార్షిక ఆదాయం రూ.8 లక్షల కంటే తక్కువ ఉన్న విద్యార్థులు కూడా దరఖాస్తు చేసుకోవడానికి అర్హులు. ఎంపిక ప్రక్రియలో భాగంగా రాత పరీక్ష ఉంటుంది. ఆపై ఇంటర్వ్యూ ఉంటుంది.

* ఐఐటీ మండి - ఎలక్ట్రిక్ ట్రాన్స్‌పోర్టేషన్‌లో ఎంటెక్ కోర్సు

ఎలక్ట్రిక్ ట్రాన్స్‌పోర్టేషన్‌లో ఐఐటీ మండి, రెండేళ్ల ఎంటెక్ కోర్సును ప్రారంభించింది. ఎలక్ట్రిక్ ట్రాన్స్‌పోర్టేషన్, సిస్టమ్స్ డిజైన్ అండ్ డిసర్టేషన్‌పై అత్యాధునిక పరిశోధనలు చేయడమే ఈ కోర్సు లక్ష్యం.

Published by:Sridhar Reddy
First published:

Tags: Career and Courses, EDUCATION, IIT, IIT Madras, JOBS

ఉత్తమ కథలు