IGNOU: మూడు కొత్త ఆన్​లైన్ కోర్సులను ప్రారంభించిన ఇగ్నో.. అర్హత, ఫీజు వివరాలివే..

దేశంలోనే అతి పెద్ద సార్వత్రిక విశ్వవిద్యాలయంగా పేరొందిన ఇందిరా గాంధీ నేషనల్ ఓపెన్ యూనివర్సిటీ (IGNOU) రూరల్​ డెవలప్​మెంట్​లో మూడు కొత్త ఆన్‌లైన్ కోర్సులను(Online Courses) ప్రారంభించింది. సర్టిఫికేట్ ఆఫ్ రూరల్ డెవలప్‌మెంట్ (CRDOL), మాస్టర్ ఆఫ్ ఆర్ట్స్ రూరల్ డెవలప్‌మెంట్ (MARDOL), పోస్ట్ గ్రాడ్యుయేట్ డిప్లొమా రూరల్ డెవలప్‌మెంట్ (PGDRDOL) కోర్సు​లను ఆవిష్కరించింది. ఇగ్నో డిసిప్లిన్ ఆఫ్ రూరల్ డెవలప్‌మెంట్, స్కూల్ ఆఫ్ కంటిన్యూయింగ్ ఎడ్యుకేషన్ విభాగం ఈ కోర్సులను ఆఫర్​ చేస్తుంది. అర్హత, ఆసక్తి గల అభ్యర్థులు www.ignouiop.samarth.edu.in ద్వారా రిజిస్ట్రేషన్​ చేసుకోవాలి.

రూరల్​ డెవలప్​మెంట్​ సర్టిఫికేట్ (CRDOL)..
ఈ సర్టిఫికెట్​ కోర్సు​ గ్రామీణ భారతంలోని సామాజిక, ఆర్థిక అంశాలపై అవగాహన కల్పిస్తుంది. రూరల్​ డెవలప్​మెంట్​లో రెగ్యులర్​ కోర్సులు చేయలేని వారికి ఈ స్వల్పకాలిక సర్టిఫికేట్​ కోర్సు ఉపయోగపడుతుంది. ఈ సర్టిఫికేట్ ప్రోగ్రామ్ ఆరు నెలల వ్యవధి కలిగి ఉంటుంది. కోర్సు ఫీజు కింద రూ. 1,800 చెల్లించాలి. రూ. 200 రిజిస్ట్రేషన్ ఫీజు చెల్లించాలి.

TCS-HCL-Cognizant: వర్క్ ఫ్రం హోం తీసేసినట్లేనా..! టీసీఎస్,హెచ్​సీఎల్, కాగ్నిజెంట్ కంపెనీల ప్రతినిధులు ఏమంటున్నారు..?

మాస్టర్ ఆఫ్ ఆర్ట్స్ రూరల్ డెవలప్‌మెంట్ (MARDOL)..
ఇగ్నో రూరల్ డెవలప్​మెంట్​లో మాస్టర్స్​ ప్రోగ్రామ్​ను కూడా ఆఫర్ చేస్తుంది. ఈ ప్రోగ్రామ్​ విద్యార్థులకు గ్రామీణ సమస్యలపై అవగాహన కల్పిస్తుంది. విద్యార్థులు గ్రామీణ ప్రాంతాలకు సంబంధించిన వివిధ సమస్యలపై పరిశోధన చేయాల్సి ఉంటుంది. వివిధ ప్రభుత్వ శాఖలు/ఏజెన్సీలు, ఎన్​జీఓలు, సహకార సంఘాలు, గ్రామీణ అభివృద్దిలో నిమగ్నమైన సిబ్బందికి ఈ కోర్సు బాగా ఉపయోగపడుతుంది. రూరల్​ డెవలప్​మెంట్ విభాగంలో వృత్తిని కొనసాగించాలనే ఆసక్తి గల తాజా గ్రాడ్యుయేట్లకు కూడా ఈ కోర్సు ప్రయోజనకరంగా ఉంటుంది. ఈ కోర్సు మొత్తం వ్యవధి రెండేళ్లు. కోర్సు ఫీజు కింద ఏడాదికి రూ. 5,900 చెల్లించాలి.

UPSC EXAMS: యూపీఎస్సీ పరీక్షలకు సిద్ధమవుతున్నారా..? ప్రిపరేషన్‌లో మీకు హెల్ప్ అయ్యే బుక్స్, ప్లానింగ్ ఇవే..

పోస్ట్ గ్రాడ్యుయేట్ డిప్లొమా రూరల్ డెవలప్‌మెంట్ (PGDRDOL)..
రూరల్​ డెవలప్​మెంట్​లో పోస్ట్ గ్రాడ్యుయేట్ డిప్లొమా ప్రోగ్రామ్​ గ్రామీణ సమాజాన్ని ప్రభావితం చేసే సామాజిక, ఆర్థిక అంశాలపై సమగ్ర అవగాహన కల్పిస్తుంది. రూరల్​ డెవలప్​మెంట్​ ప్రాజెక్టులు, ప్రణాళిక, పర్యవేక్షణ, మూల్యాంకనానికి సంబంధించిన నైపుణ్యాలపై అవగాహన కల్పించడమే ఈ కోర్సు ముఖ్య ఉద్దేశం. ఈ కోర్సు విద్యార్థులకు పరిశోధన, ప్రాజెక్ట్-వర్క్ ప్రాథమిక అంశాలను కూడా పరిచయం చేస్తుంది. వారికి గ్రామీణ అభివృద్ధి సమస్యలను అధ్యయనం చేసే అవకాశాన్ని ఇస్తుంది. ఈ కోర్సు వ్యవధి ఏడాది వరకు ఉంటుంది. కోర్సు ఫీజు కింద రూ. 2,400 చెల్లించాలి. ఇక, రిజిస్ట్రేషన్​ ఫీజు కింద దరఖాస్తు సమయంలో రూ. 200 చెల్లించాలి.

తెలుగు వార్తలు, తెలుగులో బ్రేకింగ్ న్యూస్ న్యూస్ 18‌లో చదవండి. రాష్ట్రీయ, జాతీయ, అంతర్జాతీయ, టాలీవుడ్, క్రీడలు, బిజినెస్, ఆరోగ్యం, లైఫ్ స్టైల్, ఆధ్యాత్మిక, రాశిఫలాలు చదవండి.

Tags: Career and Courses, EDUCATION, IGNOU, Online course