హోమ్ /వార్తలు /జాబ్స్ & ఎడ్యుకేషన్ /

Fact Check: గేట్–2022 ఎగ్జామ్​ నిజంగానే వాయిదా పడిందా..? వైరల్​ అవుతున్న వార్తల్లో నిజమెంత..? తెలుసుకోండి..

Fact Check: గేట్–2022 ఎగ్జామ్​ నిజంగానే వాయిదా పడిందా..? వైరల్​ అవుతున్న వార్తల్లో నిజమెంత..? తెలుసుకోండి..

ప్రతీకాత్మక చిత్రం

ప్రతీకాత్మక చిత్రం

దేశవ్యాప్తంగా పెరుగుతున్న కోవిడ్​ కేసుల దృష్ట్యా దేశవ్యాప్తంగా అనేక పరీక్షలు వాయిదా పడుతున్నాయి. ఈ నేపథ్యంలోనే గ్రాడ్యుయేట్ ఆప్టిట్యూడ్ టెస్ట్ ఇన్ ఇంజనీరింగ్ (గేట్)–2022 పరీక్ష కూడా వాయిదా పడిందనే వార్తలు సోషల్​ మీడియాలో వైరల్​ అవుతున్నాయి.

ఇంకా చదవండి ...

దేశవ్యాప్తంగా పెరుగుతున్న కోవిడ్​ కేసుల దృష్ట్యా దేశవ్యాప్తంగా అనేక పరీక్షలు వాయిదా పడుతున్నాయి. ఈ నేపథ్యంలోనే గ్రాడ్యుయేట్ ఆప్టిట్యూడ్ టెస్ట్ ఇన్ ఇంజనీరింగ్ (GATE)–2022 పరీక్ష కూడా వాయిదా పడిందనే వార్తలు సోషల్​ మీడియాలో(Social Media) వైరల్​ అవుతున్నాయి. ఈ వార్తలు అభ్యర్థుల్లో గందరగోళాన్ని సృష్టిస్తున్నాయి. పరీక్ష నిజంగానే వాయిదా పడిందా? లేదా? అనే విషయం తెలియక సతమతమవుతున్నారు. గేట్​–2022 పరీక్ష నిర్వహణ సంస్థ ఐఐటీ ఖరగ్‌పూర్ నుండి ఇటీవల వచ్చిన ఒక ప్రకటన అభ్యర్థుల్లో మరింత గందరగోళానికి కారణమైంది. ఐఐటీ(IIT) ఖరగ్​పూర్​ విడుదల చేసిన ప్రకటన ప్రకారం,“గేట్​ పరీక్షలో పాల్గొనే అభ్యర్థుల ఆరోగ్యం, భద్రత మాకు చాలా ముఖ్యం. ప్రస్తుత కరోనా మహమ్మారి కారణంగా పరీక్ష తేదీలు మారవచ్చు. లేదంటే గేట్​–2022 పరీక్ష వాయిదా పడవచ్చు. అవసరమనుకుంటే రద్దు కూడా కావచ్చు. పరిస్థితిని సమీక్షించిన తర్వాత గేట్​ పరీక్ష నిర్వహణపై నిర్ణయం తీసుకుంటాం.” అని ఉంది.

RRB NTPC CBT-2: ఆర్​ఆర్​బీ ఎన్​టీపీసీ సీబీటీ–2 పరీక్ష తేదీలు విడుదల.. ఎగ్జామ్​​ షెడ్యూల్‌ను పరీశీలించండి..


అయితే దేశవ్యాప్తంగా కరోనా, ఒమిక్రాన్​ కేసులు పెరుగుతున్న కారణంగా పరీక్షను వాయిదా వేయాలని అభ్యర్థుల నుంచి పెద్ద ఎత్తున డిమాండ్లు వినిపిస్తున్నాయి. కొన్ని రాష్ట్రాల్లో కోవిడ్–19 ఆంక్షల కారణంగా పరీక్షా కేంద్రానికి చేరుకోవడంలో ఉన్న ఇబ్బందులను హైలైట్ చేస్తూ పరీక్షలను వాయిదా వేయాలని అభ్యర్థులు కోరుతున్నారు. ఇందుకోసం #postponegate2022 అనే హ్యాష్‌ట్యాగ్‌ను సోషల్ మీడియాలో వైరల్​ చేస్తున్నారు.

పరీక్ష వాయిదా వేయాలని అభ్యర్థుల డిమాండ్​..

గేట్ 2022 పరీక్షను వాయిదా వేయాలని డిమాండ్ చేస్తూ దాదాపు 24,000 మంది అభ్యర్థులు గతంలో ఆన్‌లైన్ పిటిషన్‌ను ప్రారంభించారు. “ప్రస్తుత మూడవ వేవ్‌తో, కోవిడ్​–19 దాని కొత్త వేరియంట్ ఒమిక్రాన్​ అనేక రాష్ట్రాలు, నగరాల్లో తీవ్రంగా వ్యాపించింది. ఐఐటీ కాన్పూర్‌తో సహా అనేక అధ్యయనాలు ఫిబ్రవరి ప్రారంభంలో మూడవ వేవ్ గరిష్ట స్థాయిని తాకవచ్చని, ఏప్రిల్ నాటికి థర్డ్​వేవ్​ ముగుస్తుందని అంచనా వేశాయి. కోవిడ్ గరిష్ట స్థాయి తాకే సమయంలోనే గేట్ పరీక్ష ఉన్నందున అభ్యర్థులు కోవిడ్​ భారీన పడే అవకాశం ఉంది. అందువల్ల, పరీక్షను వాయిదా వేయాలని కోరుతున్నాం.”అని పిటిషనర్లు ఆన్​లైన్​లో డిమాండ్​ చేస్తున్నారు.

RRB Group D Exam: రైల్వే జాబ్ మీ క‌ల‌నా.. సెల‌బ‌స్ అండ్ 30 డేస్ ప్రిప‌రేష‌న్ ప్లాన్!

స్పష్టతనివ్వని ఐఐటీ ఖరగ్​పూర్​..

కాగా, గేట్–2022 అడ్మిట్ కార్డ్ విడుదల రెండుసార్లు వాయిదా పడింది. దీంతో, పరీక్ష వాయిదా పడబోతుందని చాలా మంది విద్యార్థులు భావిస్తున్నారు. అంతేకాకుండా, మహమ్మారి పరిస్థితిని​ సమీక్షిస్తున్నామని, త్వరలోనే పరీక్ష వాయిదాపై నిర్ణయం ప్రకటిస్తామని ఐఐటీ ఖరగ్‌పూర్ డైరెక్టర్ ప్రొఫెసర్ వీరేంద్ర కుమార్ తివారీ గతంలో ప్రకటించారు. దీంతో, పరీక్ష వాయిదాపై ఊహాగానాలు మరింత ఎక్కువయ్యాయి. ఏదేమైనప్పటికీ, పరీక్ష తేదీల్లో ఇప్పటివరకు ఎటువంటి మార్పు లేదు. గేట్​ పరీక్షను వాయిదా వేస్తున్నట్లు ఐఐటీ ఖరగ్​పూర్​ ఇప్పటివరకు ఎటువంటి ప్రకటన చేయలేదని అభ్యర్థులు గమనించాలి.

Published by:Veera Babu
First published:

Tags: Career and Courses, Fact Check

ఉత్తమ కథలు