హోమ్ /వార్తలు /జాబ్స్ & ఎడ్యుకేషన్ /

Indian Languages: తెలుగు భాషలో యూజీ, పీజీ కోర్సులు.. అకడమిక్ ఇయర్‌- 2024 నుంచి అందుబాటులోకి..!

Indian Languages: తెలుగు భాషలో యూజీ, పీజీ కోర్సులు.. అకడమిక్ ఇయర్‌- 2024 నుంచి అందుబాటులోకి..!

Indian Languages: తెలుగు భాషలో యూజీ, పీజీ కోర్సులు.. అకడమిక్ ఇయర్‌- 2024 నుంచి అందుబాటులోకి..!

Indian Languages: తెలుగు భాషలో యూజీ, పీజీ కోర్సులు.. అకడమిక్ ఇయర్‌- 2024 నుంచి అందుబాటులోకి..!

నర్సింగ్ ఫార్మసీ, ఇంజనీరింగ్‌తో పాటు అనేక రకాల కోర్సులు ఇకపై ప్రాంతీయ భాషల్లో అందుబాటులోకి రానున్నాయి. దేశంలోని అనేక యూనివర్సిటీల్లో అకడమిక్ ఇయర్- 2024 నుంచి 12 వేర్వేరు భాషల్లో అండర్ గ్రాడ్యుయేట్, పోస్ట్ గ్రాడ్యుయేట్ కోర్సులు అందుబాటులోకి రానున్నాయి.

ఇంకా చదవండి ...
  • Trending Desk
  • Last Updated :
  • Telangana, India

నేషనల్ ఎడ్యుకేషన్ పాలసీ(National Education Policy)- 2020 ప్రకారం దేశ విద్యా వ్యవస్థలో విప్లవాత్మక మార్పులు వస్తున్నాయి. విద్యా బోధనలో ప్రాంతీయ భాషలకు పెద్దపీట వేయడం నూతన విద్యా విధానంలో ముఖ్యమైన విషయం. ఇప్పటికే కొన్ని రాష్ట్రాలు ఎంబీబీఎస్(MBBS) కోర్సులను ప్రాంతీయ భాషల్లో ఆఫర్ చేయాలని నిర్ణయించాయి. ఈ క్రమంలో నర్సింగ్ ఫార్మసీ(Nursing Pharmacy), ఇంజనీరింగ్‌తో పాటు అనేక రకాల కోర్సులు ఇకపై ప్రాంతీయ భాషల్లో అందుబాటులోకి రానున్నాయి. దేశంలోని అనేక యూనివర్సిటీల్లో అకడమిక్ ఇయర్- 2024 నుంచి 12 వేర్వేరు భాషల్లో అండర్ గ్రాడ్యుయేట్, పోస్ట్ గ్రాడ్యుయేట్ కోర్సులు అందుబాటులోకి రానున్నాయి.

ప్రాంతీయ భాషల్లో విద్యా బోధన కోసం పాఠ్యపుస్తకాలను స్థానిక భాషల్లోకి అనువదించడానికి అన్ని ఏర్పాట్లు సిద్ధమయ్యాయి. అకడమిక్ బుక్స్ ట్రాన్స్‌లేషన్ కోసం కేంద్ర విద్యాశాఖ ఒక హై పవర్ కమిటీని ఏర్పాటు చేసింది. దీనికి ప్రముఖ విద్యావేత్త చాము కృష్ణ శాస్త్రి నేతృత్వం వహించనున్నారు. ఈ ప్రక్రియ రెండు దశల్లో సాగనుంది. మొదటి దశలో 1.5 నుంచి 2 ఏళ్ల పాటు సంబంధిత కోర్సు పుస్తకాలను12 భారతీయ భాషల్లోకి (హిందీ, బెంగాలీ, అస్సామీ, గుజరాతీ, తమిళం, తెలుగు, మలయాళం, కన్నడ, మరాఠీ, ఒడియా, ఉర్దూ, పంజాబీ) ట్రాన్స్‌లేషన్ చేయనున్నారు. ఇక, రెండో దశలో మరింత విస్తృతంగా కోర్సు మెటీరియల్‌ను 22 భారతీయ భాషలలోకి అనువదించడంపై దృష్టి సారించనున్నారు. దీంతో ఇక నుంచి తెలుగు భాషలో కూడా.. యూజీ, పీజీ కోర్సులు చేసేందుకు మార్గం సుగుమం అయింది.

Telangana District Court Jobs 2022: గుడ్ న్యూస్.. జిల్లా కోర్టుల నుంచి ఉద్యోగాల భర్తీకి నోటిఫికేషన్స్ విడుదల..

యూనివర్సిటీలకు లేఖలు

పాఠ్యపుస్తకాల ట్రాన్స్‌లేషన్ విషయంపై దేశంలోని 200 యూనివర్సిటీలకు హై పవర్ కమిటీ ఇప్పటికే లేఖలు రాసిందని కృష్ణ శాస్త్రి తెలిపారు. ఢిల్లీ యూనివర్సిటీ, బెనారస్ హిందూ యూనివర్సిటీ, ఇందిరాగాంధీ నేషనల్ ఓపెన్ యూనివర్సిటీ, బీహార్ సెంట్రల్ యూనివర్సిటీ సహా ఇతర వర్సిటీలకు కమిటీ లెటర్స్ పంపించింది.

ట్రాన్స్‌లేషన్‌లో CSTT నిపుణుల సహాయం

మేజర్ యూనివర్సిటీల్లో యూజీ, పీజీ కోర్సుల ట్రాన్స్‌లేషన్‌ను ఉపాధ్యాయులు చేయనున్నారు. మరికొంతమంది ఇన్‌స్ట్రక్టర్స్ ప్రాంతీయ భాషలలో పాఠ్యపుస్తకాలను రాయడానికి బాధ్యత తీసుకోనున్నారు. ఇంకొంతమంది ట్రాన్స్‌లేషన్, కంటెంట్ క్రియేషన్‌‌పై దృష్టి సారించనున్నారు. ట్రాన్స్‌లేషన్ ప్రక్రియలో కమిషన్ ఫర్ సైంటిఫిక్ అండ్ టెక్నికల్ టెర్మినాలజీ (CSTT) నిపుణుల సహాయం కూడా తీసుకోనున్నారు. ఈ ప్రక్రియలో పాల్గొనే విద్యావేత్తల పేర్ల జాబితా ఇప్పటికే సిద్ధమైంది.

Jobs In NIC: డిగ్రీ ఉంటే చాలు.. నెలకు రూ.2,16,600 జీతం పొందొచ్చు..

అమర్ ఉజాలా రిపోర్ట్ ప్రకారం.. యూనివర్సిటీలు ఇప్పటికే బీఏ, బీకామ్, బీఎస్సీ, లా వంటి మరెన్నో కోర్సుల పాఠ్యపుస్తకాలను ట్రాన్స్ లేట్ చేసే పనిని ప్రారంభించాయి. కొత్తగా ట్రాన్స్‌లేట్ చేసిన స్టడీ మెటీరియల్ 2024 అకడమిక్ సెషన్ నుంచి విద్యార్థులకు అందుబాటులోకి రానుంది. అయితే అంతర్జాతీయ ప్రమాణాలతో సమానంగా ఉండాల్సిన కోర్సుల విషయంలో ఇటువంటి చర్య తిరోగమనానికి దారితీస్తుందని కొందరు అభిప్రాయపడుతున్నారు.

First published:

Tags: Career and Courses, Degree posts, Indian, JOBS, Students