Cloned Cow: లాక్టోజ్ లేని పాలు.. జన్యు మార్పిడితో కొత్త ఆవును సృష్టించిన శాస్త్రవేత్తలు

ప్రతీకాత్మక చిత్రం

హైపో అలెర్జెనిక్ పాలను ఉత్పత్తి చేయాలనే లక్ష్యంతో శాస్త్రవేత్తలు ఈ ప్రయోగానికి శ్రీకారం చుట్టారు. ఇందులో భాగంగా ఆవు దూడ జన్యువులను విడదీసి, మానవులలో లాక్టోజ్​ అలర్జీకి కారణమయ్యే బీటా -లాక్టోగ్లోబులిన్‌ను తొలగించగలిగారు.

  • Share this:
మన రోజువారీ జీవితంలో పాల వినియోగం చాలా ఎక్కువ. ఉదయం లేవగానే టీ, కాఫీ త్రాగనిదే రోజు మొదలుపెట్టం. ఈ పాలను ఆవు, గేదె వంటి జంతువుల నుంచి సేకరిస్తారన్న విషయం తెలిసిందే. వీటిలో సహజంగానే లాక్టోజ్​ పరిమాణం ఎక్కువగా ఉంటుంది. అయితే కొంతమంది శరీరం లాక్టోజ్​ వల్ల ఇబ్బందిపడుతుంది. వారికి లాక్టోజ్​ అలర్జీ ఉంటుంది. అటువంటి వారి కోసం లాక్టోజ్​ లేని పాలిచ్చే ఆవును జన్యు మార్పిడి ద్వారా సృష్టించారు రష్యాకు చెందిన పరిశోధకులు. మాస్కోలోని స్కోల్కోవో ఇన్​స్టిట్యూట్ ఆఫ్ సైన్స్ అండ్ టెక్నాలజీకి చెందిన ఎర్నెస్ట్ ఫెడరల్ లైవ్‌స్టాక్ సైన్స్ సెంటర్ పరిశోధకులు మొట్టమొదటి క్లోన్​ ఆవు దూడను రూపొందించారు. ఈ దూడ 2020 ఏప్రిల్ 10న సుమారు 63 కిలోగ్రాముల బరువుతో జన్మించింది.

హైపో అలెర్జెనిక్ పాలను ఉత్పత్తి చేయాలనే లక్ష్యంతో శాస్త్రవేత్తలు ఈ ప్రయోగానికి శ్రీకారం చుట్టారు. ఇందులో భాగంగా ఆవు దూడ జన్యువులను విడదీసి, మానవులలో లాక్టోజ్​ అలర్జీకి కారణమయ్యే బీటా -లాక్టోగ్లోబులిన్‌ను తొలగించగలిగారు. బీటా-లాక్టోగ్లోబులిన్‌లోని PAEP, LOC100848610 జన్యువులను తొలగించడానికి CRISPR సాంకేతిక పరిజ్ఞానాన్ని ఉపయోగించారు. దీంతో విజయవంతంగా లాక్టోజ్​ లేని పాలిచ్చే ఆవును సృష్టించారు. ఈ ప్రయోగ ఫలితాలను డోక్లాడీ బయోకెమిస్ట్రీ అండ్ బయోఫిజిక్స్ జర్నల్​లో ప్రచురించారు.

బీటా -లాక్టోగ్లోబులిన్‌ను తొలగించి ప్రయోగం..
ఎర్నస్ట్ ఫెడరల్ సైన్స్ సెంటర్ ఫర్ యానిమల్ హస్బెండరీకి ​​చెందిన గలీనా సింగినా నేతృత్వంలోని బృందం సోమాటిక్ సెల్ న్యూక్లియర్ ట్రాన్స్​ఫర్ (ఎన్​సిఎన్​టి) పద్ధతిని ఉపయోగించి ఈ ఆవు దూడను సృష్టించగలిగింది. ఈ ఆవు దూడను మొదటి సంవత్సరం తన తల్లి సంరక్షణలోనే ఉంచారు. కొన్ని నెలల పాటు ప్రతి రోజూ పచ్చిక బయళ్ళలో తిరిగే ఇతర ఆవులతో జీవించేలా చేశారు. 14 నెలల తరువాత ఆ దూడ 410 కిలోగ్రాముల వరకు బరువు పెరిగింది. దీని సాధారణ పునరుత్పత్తి చక్రం కూడా ఆరోగ్యంగా ఉందని పరిశోధకులు పేర్కొన్నారు.

హైపో అలెర్జెనిక్ పాలను ఉత్పత్తి చేయాలనే ఏకైక లక్ష్యంతో ఈ ఆవును రూపొందించారు పరిశోధకులు. కాగా, ఈ ప్రయోగం “భవిష్యత్ వ్యవసాయానికి” అనేక ప్రయోజనాలను చేకూరుస్తుందని స్కోల్కోవో ఇన్​స్టిట్యూట్ ఆఫ్ సైన్స్ అండ్ టెక్నాలజీకి చెందిన అసోసియేట్ ప్రొఫెసర్ సెర్గివ్ అభిప్రాయపడ్డారు.
Published by:Shiva Kumar Addula
First published: