పేగుల్లో కాన్సర్‌ను కనిపెట్టే మినీ రోబో... లండన్ సైంటిస్టుల సృష్టి...

Sonopill : వాళ్లూ, వీళ్లూ అని తేడాలేకుండా... ఈ రోజుల్లో చాలా మందిని వెంటాడుతున్న వ్యాధి... కాన్సర్. ఈ వ్యాధిపై పోరాటంలో భాగంగా... సైంటిస్టులు... మినీ రోబోను తయారుచేశారు.

Krishna Kumar N | news18-telugu
Updated: June 23, 2019, 10:05 AM IST
పేగుల్లో కాన్సర్‌ను కనిపెట్టే మినీ రోబో... లండన్ సైంటిస్టుల సృష్టి...
సోనోపిల్ (Image : Twitter / الموجات فوق الصوتية الألتراساوند والدوبلر)
Krishna Kumar N | news18-telugu
Updated: June 23, 2019, 10:05 AM IST
కాన్సర్‌లో ఏడు రకాలున్నాయి. వాటిలో ఒకటి కొలన్ కాన్సర్ (పెద్ద పేగులో కాన్సర్). అలాంటి కాన్సర్‌ను కనిపెట్టేందుకు సాధారణంగా ఎండోస్కోపిక్ చేస్తారు. ఇది ఎంతో నొప్పితో కూడిన విధానం. దానికి బదులుగా లండన్ సైంటిస్టులు... మందు బిళ్ల సైజులో ఓ రోబోను తయారుచేశారు. ఈ రోబో కాప్స్యూల్... పొట్టలోకి వెళ్లి... పేగుల్లో తిరుగుతూ... అక్కడి ఫొటోలు తీసి... డాక్టర్లకు పంపుతుంది. సోనోపిల్ అని పిలిచే ఈ రోబో పంపేవి మైక్రో-అల్ట్రాసౌండ్ ఫొటోలు. ఈ ఫొటోల ద్వారా కాన్సర్ ఉందో లేదో తెలుస్తుంది. కాన్సర్ ఉంటే అది ఏ స్టేజ్‌లో ఉంది, అక్కడి కణాల పరిస్థితి ఏంటి? కణాల్లో ఎలాంటి మార్పులు వచ్చాయి వంటి అంశాలు తెలుసుకోవడానికి వీలవుతుంది.

ఇంటెలిజెంట్ మాగ్నెటిక్ మానిప్యులేషన్ అనే టెక్నిక్ ఉపయోగించి... పదేళ్లుగా రకరకాల ప్రయోగాలు చేసి... చివరకు ఈ సోనోపిల్‌ను తయారుచేశారు శాస్త్రవేత్తలు. 3.9 సెంటీమీటర్ల పొడవుండే ఇందులో మాగ్నెటిక్ సెన్సార్లు, ఆర్టిఫిషియల్ ఇంటెలిజెన్స్ కలగలిసి... హై క్వాలిటీ ఫొటోలను ఇవ్వనున్నాయి. పనైపోయిన తర్వాత ఈ రోబో తిరిగి బయటకు వచ్చేస్తుంది.

Loading...
ప్రస్తుతానికి ప్రయోగ దశలో ఉన్న ఈ రోబో... త్వరలోనే ప్రపంచవ్యాప్తంగా అన్ని కాన్సర్ హాస్పిటల్స్‌లో అందుబాటులోకి తెస్తామంటున్నారు. కాన్సర్‌తోపాటూ... ఎన్నో ప్రమాదకర వ్యాధుల్ని కనిపెట్టేందుకు ఈ రోబో ఉపయోగపడుతుందని చెబుతున్నారు.

పొట్టలో వచ్చే వ్యాధులతో ప్రపంచవ్యాప్తంగా ఏటా 80 లక్షల మంది చనిపోతున్నారు. వాళ్లలో చాలా మందికి కొలన్ కాన్సర్, బొవెల్ కాన్సర్ వంటివి సోకుతున్నాయి.

 

ఇవి కూడా చదవండి :

వరి పంటను కాపాడే రోబో... జపాన్ ఇంజినీర్ల సృష్టి

4 రోజుల తర్వాత శుభకార్యాలు లేవ్... 3 నెలల వరకూ అంతే...

ఎకనమిక్ పాలసీపై ప్రధాని మోదీ దృష్టి - ఆర్థికవేత్తల సలహాలు స్వీకరణ
First published: June 23, 2019
మరిన్ని చదవండి
Loading...
తదుపరి వార్తలు
Loading...