Home /News /explained /

NDPC ACT EXPLAINED WHAT ARE THE JAIL TERM FINES BASED ON THE DRUGS ACCORDING TO THE ACT BA GH

Explained: NDPS చట్టం ప్రకారం భారత్‌లో నిషేధిత డ్రగ్స్ ఏవి? వాటిని వాడితే ఎలాంటి శిక్షలు విధిస్తారు?

ప్రతీకాత్మకచిత్రం

ప్రతీకాత్మకచిత్రం

నార్కోటిక్‌ డ్రగ్స్‌ అండ్‌ సైకోట్రాపిక్‌ సబ్‌స్టెన్సెస్‌ (ఎన్‌డీపీఎస్‌) చట్టం కింద ఏటా దేసంలో 72,000లకు పైగా కేసులు నమోదవుతుున్నాయి. అంటే ప్రతీ గంటకు 8 కేసులు అన్నమాట.

నార్కోటిక్‌ డ్రగ్స్‌ అండ్‌ సైకోట్రాపిక్‌ సబ్‌స్టెన్సెస్‌ (ఎన్‌డీపీఎస్‌) చట్టం కింద ఏటా దేసంలో 72,000లకు పైగా కేసులు నమోదవుతున్నాయి. అంటే ప్రతీ గంటకు 8 కేసులు అన్నమాట. సినిమాపరిశ్రమలో డ్రగ్స్‌ ఉపయోగానికి సంబంధించి అనేక హై-ప్రొఫైల్‌ కేసులున్నాయి. సుశాంత్‌ సింగ్‌ రాజ్‌పుత్‌ మరణం కూడా ఈ కోవలోనిదే. ఇంతకీ ఈ కఠినమైన డ్రగ్స్ చట్టం ఏం చెప్తోందో చూద్దాం రండి.

ఎన్‌డీపీఎస్‌ చట్టం కింద నిషేధిత డ్రగ్స్ ఏవి?

ఎన్‌డీపీఎస్‌ చట్టం ప్రకారం, నార్కోటిక్‌ డ్రగ్‌ అంటే కోకా లీఫ్‌, క్యానబీస్‌ (గంజాయి), ఓపీయం (నల్లమందు), పాపీ స్ట్రా సహ అన్ని తయారీ మాదకద్రవ్యాలు. సైకోట్రాఫిక్‌ సబ్‌స్టన్స్‌ అంటే ఏ పదార్థమైన, సహజమైనది లేదా సింథటిక్‌, లేదా ఏదైనా పదార్థం లేదా ఏదైనా ఉప్పు లేదా అలాంటి పదార్థం తయారీ లేదా షెడ్యూల్‌లో నిర్దేశించిన జాబితాలో ఉన్న ఏదైనా పదార్థం. చట్టం చివర ఆ పదార్ధాల జాబితా పొందుపరిచారు. ఎన్‌డీపీఎస్‌ చట్ట లక్ష్యం, నార్కొటిక్‌ డ్రగ్స్‌, సైకోట్రాపిక్‌ సబ్‌స్టెన్సుల తయారీ, ఉత్పత్తి, వ్యాపారం, ఉపయోగం మొదలైనవాటిని నిషేధించడం.

ఈ చట్టం సైకోట్రాపిక్‌ పదార్ధాల జాబితాను విస్తరించే, తొలగించే అధికారం చట్టసభలకు కల్పించింది. ఆ పదార్థానికి సంబంధించిన స్వభావం, ప్రభావం, దుర్వినియోగానికి సంబంధించి లభించిన సమాచారం, సాక్ష్యాల ఆధారంగా లేదా ఏదైనా పదార్థం (సహజమైన లేదా సింథటిక్‌) లేదా ఏదైనా సహజ పదార్థం లేదా ఏదైనా లవణం లేదా ఏదైనా పదార్థం లేదా సామగ్రిని బట్టి ఈ విస్తరణ లేదా తొలగింపు ఉంటుంది.


ఎన్‌డీపీఎస్‌ చట్టం ప్రకారం మాదకద్రవ్యాలు ఉపయోగించడంపై శిక్షలు ఏంటి?

స్వాధీనం చేసుకున్నడ్రగ్స్‌ పరిమాణాన్ని బట్టి శిక్షను ఎన్‌డీపీఎస్‌ చట్టం నిర్దేశించింది. ఈ చట్టానికి చేసిన సవరణలను బట్టి స్వాధీనం చేసుకున్న డ్రగ్స్‌ పరిమాణాన్ని బట్టి మూడు శ్రేణులుగా శిక్ష ఉంటుంది, శిక్షకు సంబంధించి న్యాయపరమైన విచక్షణను కల్పిస్తుంది. ఉదాహరణకు గంజాయిను తీసుకుంటే, ఏ రకమైన గంజాయి సాగు చేసిన దానికి 10 సంవత్సరాల వరకు కఠిన కారాగారశిక్ష, రూ.1 లక్ష జరిమానా వరకు విధిస్తారు.

గంజాయి కొనడం, అమ్మడం చేస్తే ఎలాంటి శిక్షలు ఉంటాయి?

ఇక గంజాయి ఉత్పత్తి, కలిగి ఉండటం, విక్రయం, కొనుగోలు, రవాణా, అక్రమంగా తరలింపునకు సంబంధించిన స్వాధీనం చేసుకున్న మొత్తాన్ని బట్టి శిక్ష ఉంటుంది. కొద్ది మొత్తంలో గనక గంజాయిని స్వాధీనం చేసుకుంటే ఒక ఏడాది కఠిన కారాగారశిక్షతో పాటు రూ.10 వేల వరకు జరిమానా ఉంటుంది. అదే ఈ కొద్ది మొత్తం అనేది తక్కువ మొత్తం కంటే ఎక్కువ వాణిజ్యపరమైన పరిమాణం కంటే తక్కువుంటే, ఆ అపరాధికి 10 సంవత్సరాల వరకు కఠిన కారాగార శిక్షతో పాటు రూ.1 లక్ష వరకు జరిమానా ఉంటుంది. వాణిజ్యపరమైన స్థాయిలో గంజాయిని స్వాధీనం చేసుకున్నట్టు అయితే దానికి 10 సంవత్సరాలకు తగ్గకుండా 20 సంవత్సరాల వరకు కఠిన కారాగార శిక్షతో పాటు రూ.1 లక్షకు తక్కువ కాకుండా రూ.2 లక్షల వరకు ఉంటుంది. అంతే కాదు జరిమానా రూ.2 లక్షల కంటే ఎక్కువ జరిమానా విధించే అధికారం కూడా కోర్టులకు ఉంటుంది.

నార్కోటిక్‌ డ్రగ్‌ లేదా సైకోట్రాపిక్‌ సబ్‌స్టెన్స్‌ వినియోగానికి సంబంధించిన శిక్షను సెక్షన్‌ 27 వివరిస్తుంది. కొకైన్‌, మార్పిన్‌, డైయాసిటైల్‌మార్పిన్‌ లేదా ఇతర నార్కోటిక్‌ డ్రగ్‌ లేదా ఏదేని సైకోట్రాపిక్‌ సబ్‌స్టెన్స్‌ వినియోగించినట్టు అయితే అలాంటి వారికి ఒక సంవత్సరం వరకు జైలు శిక్ష లేదా 20 వేల రూపాయల వరకు జరిమానా ఉంటుంది. జాబితాలోని ఇతర డ్రగ్స్‌కు సంబంధించి ఆరు నెలల వరకు జైలు శిక్షతో పాటు రూ.10 వేల వరకు జరిమానా ఉంటుంది.


డిపార్టుమెంట్‌ ఆఫ్‌ రెవెన్యూ 1 కేజీ వరకు గంజాయిని చిన్న మొత్తంగా, 20 కేజీలు ఆపై ఉండే మొత్తాన్ని వాణిజ్యపరమైన మొత్తంగా పరిగణిస్తోంది. చరస్‌/హషీస్‌ అయితే 100 గ్రాముల వరకు చిన్న మొత్తం, 1 కేజీ కంటే ఎక్కువుంటే వాణిజ్యపరమైన మొత్తం. నిషేధించిన వేర్వేరు డ్రగ్స్‌కు సంబంధించి చిన్న మొత్తం అంటే ఏంటి, వాణిజ్యపరమైన మొత్తం అంటే ఎంత అనే విషయాలు ఎన్‌డీపీఎస్‌ చట్టంలో పేర్కొనడం జరిగింది.

పదే పదే డ్రగ్స్ విక్రయిస్తూ దొరికితే ఏమవుతుంది?

పదేపదే ఉల్లంఘనకు పాల్పడేవారి విషయంలో చట్టం తీవ్రంగా స్పందిస్తుంది. గరిష్ఠ శిక్షకు ఒకటిన్నర రెట్లు, గరిష్ఠ జరిమానా మొత్తానికి ఒకటిన్నర రెట్లు విధించచ్చు చట్టం పేర్కొంటోంది. స్వాధీనం చేసుకున్న డ్రగ్స్‌ను బట్టి పదేపదే అదే నేరానికి పాల్పడిన వారికి మరణ శిక్ష కూడా విధించవచ్చు.

చాలా దేశాల్లో గంజాయిని చట్టబద్ధం చేస్తున్నారు కదా?

ఐక్యరాజ్యసమితి కన్వెన్షన్‌ ఆన్‌ నార్కోటిక్‌ డ్రగ్స్‌, 1961, కన్వెన్షన్‌ ఆన్‌ సైకోట్రాపిక్‌ సబ్‌స్టెన్సెస్‌ 1971 విధానాలకు భారతదేశం సంతకందారు కావడంతో ఎన్‌డీపీఎస్‌ చట్టాన్ని కేంద్రం 1985లో రూపొందించింది. అయితే ఈ కన్వెన్షన్లు అమల్లోకి రాకముందు నుంచే డ్రగ్స్‌ నియంత్రణకు తాము కట్టుబడి ఉన్నామని భారత్‌ ప్రకటించింది.

నేషనల్‌ పాలసీ ఆన్‌ నార్కొటిక్‌ డ్రగ్స్‌ అండ్‌ సైకోట్రాపిక్‌ సబ్‌స్టెన్సెస్‌ పై రూపొందించిన పత్రం భారత రాజ్యాంగంలోని అధికరణం 47ను ప్రస్తావిస్తుంది. ఆదేశిక సూత్రాల్లో పొందపరిచిన దాన్ని బట్టి ఆరోగ్యానికి హానికరమైన విషపూరిత పానీయాలు, డ్రగ్స్‌ను వైద్యపరమైన అవసరాలకు తప్పఇతర అవసరాలకు వినియోగాన్ని నిషేధించేందుకు రాజ్యం కృషి చేస్తుందని అందులో పేర్కొనడం జరిగింది.

భారతీయ సంస్కృతిలో గంజాయి వినియోగానికి సంబంధించిన ఆధారాలు

అనేక పురాతన భారతీయ స్మృతుల్లో పొందుపరిచిన దాన్ని ప్రకారం దేశంలో లక్షలాది మంది గంజాయిని వినియోగించేవారని కనిపిస్తోంది. అందుకే దేశంలో అన్ని రకాల గంజాయిపై నిషేధం లేదు. గంజాయి ఆకులతో తయారు చేసే భంగ్‌ అనే కషాయం ఎన్‌డీపీఎస్‌ చట్టం పరిధిలోకి రాదు. మతపరమైన ఆచారాలతో అది ముడిపడి ఉండటంతో దాన్ని ఉత్పత్తి, విక్రయాన్ని చాలా దేశాలు అనుమతిస్తున్నాయి. భంగ్‌ తయారీ విధానాన్ని బట్టి ఈ మినహాయింపు ఉంటుంది. ఇందులో గంజాయి ఆకులు ఉపయోగిస్తారు. నిషేధిత గంజాయి బంక లేదా పుష్పభాగాలు ఉపయోగించరు కాబట్టి భంగ్‌కు మినహాయింపు లభించింది.

గంజాయి విక్రయాన్ని నేరంగా చూడొద్దంటూ ఓ పాలసీ పత్రం

భారతదేశంలో గంజాయి వినియోగాన్ని నేరరహితం చేయాలని కోరుతూ న్యూఢిల్లీకి చెందిన విధి సెంటర్‌ ఫర్‌ లీగల్‌ పాలసీ ఒక పత్రం రూపొందించింది. భారత్‌లో మూడున్నర దశాబ్దాలుగా గంజాయిపై నిషేధాన్ని అమలు చేస్తున్నా దాని వినియోగం ఏ మాత్రం తగ్గడం లేదు. వినియోగించేవారిలో ఎటువంటి భయం కనిపించడం లేదని, నేరంగా గంజాయి వినియోగాన్ని పరిగణించడం వలన అది కళంకానికి దారి తీయడంతో పాటు క్రిమినల్‌ జస్టిస్‌ వ్యవస్థపై భారంగా మారుతోందని అందులో పేర్కొంది. బ్రిటీష్‌కాలంలో 1893లో భారతీయ హెంప్‌ డ్రగ్స్ కమిషన్ నెలకొల్పారు. అది తగిన మోతాదులో గంజాయి ఉపయోగించడం వలన భౌతికంగా, మానసికంగా లేదా నైతిక ఆరోగ్యపరంగా ఎటువంటి తీవ్రమైన దుష్ఫ్రభాలు లేవని పేర్కొంటూ గంజాయి వినియోగంపై ఎటువంటి ప్రతికూల వ్యాఖ్యలను ఆ కమిషన్ చేయలేదు.

ఉరుగ్వే, కెనడా సహ అమెరికాలోని అనేక రాష్ట్రాలు వినోద అవసరాలకు వైద్యపరమైన ఔషధాలకు గంజాయి వినియోగాన్ని చట్టబద్ధం చేస్తున్నాయి. గంజాయిపై నిషేధం కారణంగా అది ఒక కఠినమైన నిషేధాత్మక వాతావరణాన్ని సృష్టించిందని తద్వారా ప్రభావవంతంగా వాణిజ్యపరమైన అవసరాలకు గంజాయిని ఉపయోగించేదుకు నిరోధంగా మారిందని విధి పత్రం పేర్కొంది.
Published by:Ashok Kumar Bonepalli
First published:

Tags: Drugs, Drugs case, Drugs racket

ఉత్తమ కథలు

తదుపరి వార్తలు