Constable: భార్యాపిల్లలను అత్తారింట్లో వదిలిపెట్టి హైదరాబాద్ వచ్చాడు.. ఇంతలోనే ఎంతపని చేశాడంటే...

హైదరాబాద్: రానురాను మారుతున్న కాలంతో పాటు మనిషికి మానసిక ఒత్తిళ్లూ పెరిగాయి. కొందరికి ఫ్యామిలీ టెన్షన్స్, మరికొందరికి ఆఫీస్ టెన్షన్స్, ఇంకొందరికి బిజినెస్ టెన్షన్స్.. ఇలా కారణం ఏదైనప్పటికీ మనిషిపై మానసిక ఒత్తిడి రోజురోజుకూ పెరుగుతోంది. కొన్నికొన్ని సందర్భాల్లో మానసికంగా బలహీనంగా ఉన్నవారు ఈ ఒత్తిడిని తట్టుకోలేక ఆత్మహత్యలకు పాల్పడుతున్న ఘటనలూ రోజుకొకటి వెలుగుచూస్తున్నాయి. హైదరాబాద్ నగరంలో ఈ తరహా ఘటనే వెలుగుచూసింది. ఆర్థిక ఇబ్బందుల కారణంగా పోలీస్ కానిస్టేబుల్ గొంతు కోసుకుని ఆత్మహత్య చేసుకున్న ఘటన కలకలం రేపింది. పోలీసులు తెలిపిన వివరాల ప్రకారం.. సూర్యాపేట జిల్లా కోదాడ మండలం బాలాజీ నగర్ గ్రామానికి చెందిన అభిలాష్ నాయక్(33) ఆరేళ్లుగా మాదన్నపేట పోలీస్ స్టేషన్‌లో పనిచేస్తున్నాడు. ముసారాంబాగ్‌లోని బాలమ్మదానమ్మ బస్తీలో కుటుంబంతో కలిసి నివాసముంటున్నాడు. 2011లో ఇందిరా జ్యోతి అనే యువతిని అభిలాష్ వివాహం చేసుకున్నాడు. అతనికి భార్య, ఇద్దరు పిల్లలున్నారు. కొన్ని రోజులుగా ఆర్థిక సమస్యలతో అభిలాష్ సతమతమవుతున్నాడు. ఈ విషయంలో భార్యాభర్తల మధ్య మనస్పర్థలు కూడా చోటుచేసుకున్నాయి. రెండు రోజుల క్రితం భార్యాపిల్నల్ని కోదాడలోని అత్తగారింట్లో వదిలిపెట్టి వచ్చాడు. సోమవారం డ్యూటీ చేసి ఇంటికి వెళ్లాడు.

సోమవారం అర్ధరాత్రి అభిలాష్ ఉంటున్న ఇంట్లో నుంచి కేకలు రావడంతో ఇరుగుపొరుగు గది తలుపులను పగలగొట్టి చూడగా రక్తపు మడుగులో అభిలాష్ కనిపించాడు. గొంతు కోసుకుని కానిస్టేబుల్ ఆత్మహత్యకు పాల్పడినట్లు పోలీసులు తెలిపారు. ఘటనా స్థలంలోనే అభిలాష్ ప్రాణాలు కోల్పోయాడు. హైదరాబాద్ నగరంలో మరో కానిస్టేబుల్ కూడా ఆత్మహత్యకు పాల్పడిన ఘటన ఆలస్యంగా వెలుగులోకి వచ్చింది. శ్రీకాకుళం జిల్లాకు చెందిన రమణమూర్తి(38), శారదా భార్యాభర్తలు.

ఇది కూడా చదవండి: Accident: ఇలా జరుగుతుందని పాపం అతనికి మాత్రం ఏం తెలుసు.. 8 ఏళ్ల కొడుకుతో కలిసి వెళుతుండగా...