• HOME
  • »
  • NEWS
  • »
  • CRIME
  • »
  • DISAPPOINTED THIEF LEAVES NOTE FOR HOMEOWNER AS HE RETURNS EMPTY HANDED SB

నువ్వెంత పిసినారివి రా బాబు... ఇంట్లో ఏం దొరక్కపోవడంతో దొంగ ఆవేదన

నువ్వెంత పిసినారివి రా బాబు... ఇంట్లో ఏం దొరక్కపోవడంతో దొంగ ఆవేదన

ప్రతీకాత్మక చిత్రం

ఇంటి కిటికీ తొలగించి లోపలికి వెళ్లాడు. ఇంట్లో ఉన్న బీరువాలు...అన్ని తెరిచి ఏదైనా డబ్బు దొరుకుతుందోనని ప్రయత్నించాడు. కానీ అతడి ప్రయత్నం బూడిదలో పోసిన పన్నీరే అయ్యింది.

  • Share this:
    ఓ ఇంట్లో దొంగతనానికి పాల్పడిన దొంగ ఆవేదన ఇది. అవును వినడానికి చాలా ఆశ్చర్యంగా అనిపిస్తున్న ఇది నిజమే. మధ్యప్రదేశ్ షాజాపూర్ జిల్లాలో ఈ ఘటన చోటు చేసుకుంది. ఓ వ్యక్తి ఇంట్లో దొంగతనానికి పాల్పడిన దొంగకు ఏం దొరకపోవడంతో... అతడు ఆవేదనతో ఆ ఇంటి యజమానికి లేఖ రాసి వెళ్లిపోయాడు. పోలీసులు వివరాల ప్రకారం... పర్వేష్ సోని అనే ఓ ప్రభుత్వ ఇంజినీర్ ఆదర్శ్ నగీన్ నగర్‌లో నివాసం ఉంటున్నారు. అతను ఇంటికి సమీపంలోనే జడ్జీ, జాయింట్ కలెక్టర్ కూడా నివాసం ఉంటున్నారు. అయితే గ్రామీణ ప్రాంతంలో ఇంజినీరింగ్ డిపార్ట్‌మెంట్‌లో పనిచేస్తున్న కారణంగా ఆయన ఆ సమయంలో ఇంట్లో లేరు.. అయితే సోని ఇంట్లో ఎవరూ లేకపోవడం చూసి ఓ దొంగ ఆ ఇంటికి కన్నం వేసే ప్రయత్నం చేశాడు.

    ఇంటి కిటికీ తొలగించి లోపలికి వెళ్లాడు. ఇంట్లో ఉన్న బీరువాలు...అన్ని తెరిచి ఏదైనా డబ్బు దొరుకుతుందోనని ప్రయత్నించాడు. కానీ అతడి ప్రయత్నం విఫలమైంది. ఆ ఇంట్లో అతడికి చిల్లి గవ్వ కూడా దొరకలేదు. దీంతో తీవ్ర మనస్తాపానికి గురైన ఆ దొంగ యజమానికి ఓ చిన్న మెసేజ్ రాసి పెట్టాడు. ‘నువ్వెంత పిసినారివి...కిటికీ పగలగొట్టేందుకు కూడా ఫలితం దక్కలేదు.. ఈ రాత్రంతా నా కష్టం వృథా అయ్యింది’ అంటూ ఇంటి యజమానికి సంబంధించిన డైరీలోనే రాసిపెట్టాడు. ఆ తర్వాత తెల్లవారుజామున పనివాళ్లు.. ఇంట్లో దొంగతనం జరిగిందని గుర్తించి పర్వేష్ సోనికి సమాచారం అందించారు. దీంతో సోని.. తన డైరీలో దొంగ రాసిన నోట్‌ను గమనించి పోలీసులకు సమాచారం అందించారు. కేసు నమోదు చేసిన పోలీసులు దర్యాప్తు ప్రారంభించారు.
    Published by:Sulthana Begum Shaik
    First published: