Home /News /crime /

BOY CONFINED BEATEN UP BY GIRLFRIEND AND HER FAMILY FOR RECORDING TIK TOK VIDEO BA

గర్ల్ ఫ్రెండ్‌తో టిక్ టాక్ వీడియో.. చెట్టుకు కట్టేసి కొట్టిన ‘పేరెంట్స్’

ప్రతీకాత్మక చిత్రం

ప్రతీకాత్మక చిత్రం

తన కొడుకును కొట్టవద్దని బంగారప్ప తల్లి వారిని ప్రాధేయపడుతున్నా వినకుండా తీవ్రంగా దాడి చేశారు.

    తన గర్ల్ ఫ్రెండ్‌తో టిక్ టాక్ వీడియో తీసిన వ్యక్తిని ఆమె కుటుంబసభ్యులు చెట్టుకు కట్టేసి కొట్టారు. కర్ణాటకలోని యాద్గిరి జిల్లాలో ఈ దారుణం జరిగింది. బంగారప్ప అనే యువకుడు తన గర్ల్ ఫ్రెండ్‌తో కలసి పలు టిక్ టాక్ వీడియోలు తీశాడు. అయితే, వాటికి సంబంధించిన ఓ వీడియో ఆ యువతి తల్లిదండ్రులకు చేరింది. దీంతో ఆమె తల్లిదండ్రులు కూతుర్ని పట్టుకుని నిలదీశారు. అయితే, అతడు తనకు తెలియదంటూ ఆమె మాట మార్చింది. తన వీడియోను ఎలా తీశాడో తెలియదని చెప్పింది. దీంతో ఆమె తల్లిదండ్రులు ఆ యువకుడిని పట్టుకుని చితకబాదారు. ఓచెట్టుకు కట్టేసి కొట్టారు. యువతి తల్లి అతడిని చెప్పుతో కొడుతున్న దృశ్యాలను స్థానికులు రికార్డ్ చేశారు. తన కొడుకును కొట్టవద్దని బంగారప్ప తల్లి వారిని ప్రాధేయపడుతున్నా వినకుండా తీవ్రంగా దాడి చేశారు. ఈ వీడియోను కొందరు సోషల్ మీడియాల్లో పోస్ట్ చేయడంతో అది వైరల్‌గా మారింది. అయితే, దీనిపై తమకు అధికారికంగా ఎలాంటి ఫిర్యాదు అందలేదని పోలీసులు చెప్పారు.
    Published by:Ashok Kumar Bonepalli
    First published:

    Tags: Karnataka, Tik tok, Viral Videos

    ఉత్తమ కథలు

    తదుపరి వార్తలు