Fridge-Free Vaccine: మొక్కలు, బ్యాక్టీరియా నుంచి కోవిడ్ వ్యాక్సిన్​.. దీన్ని ప్రత్యేకత ఏంటో తెలుసా..?

ప్రతీకాత్మక చిత్రం

Fridge-Free Vaccine: వైరస్​ మ్యూంటెట్లు మార్చుకుంటూ కొత్త మార్గాల్లో దాడి చేస్తోంది. వీటికి చెక్​ పెట్టేందుకే శాస్త్రవేత్తలు వ్యాక్సిన్లను అభివృద్ధి చేశారు. అయితే ఈ వ్యాక్సిన్ల ఉత్పత్తి చాలా శ్రమ, భారీ వ్యయంతో కూడకున్న పని.

  • Share this:
ఇటీవల తరచూ ఏదో ఒక వైరస్ (Virus) మానవ జాతిపై దాడి చేస్తోంది. ప్రస్తుతం కరోనా వైరస్ (Corona Virus)​ మనల్ని ఎంతలా ప్రభావితం చేసిందో ప్రత్యక్షంగా చూస్తూనే ఉన్నాం. ఇంకా ఈ వైరస్​ ప్రమాదాల నుంచి తేరుకోలేక పోతున్నాం. ఈ వైరస్​ మ్యూంటెట్లు మార్చుకుంటూ కొత్త మార్గాల్లో దాడి చేస్తోంది. వీటికి చెక్​ పెట్టేందుకే శాస్త్రవేత్తలు వ్యాక్సిన్లను అభివృద్ధి చేశారు. అయితే ఈ వ్యాక్సిన్ల ఉత్పత్తి చాలా శ్రమ, భారీ వ్యయంతో కూడకున్న పని. అంతేకాదు, వ్యాక్సిన్లను నిర్ణీత ఉష్ణోగ్రత వద్ద ఫ్రిడ్జ్​లో భద్రపర్చాల్సి ఉంటుంది. ఇదంతా చాలా ఖర్చుతో కూడుకున్న వ్యవహారం. అందుకే, మొక్కలు లేదా బ్యాక్టీరియా నుండి కోవిడ్​-19 టీకాను అభివృద్ధి చేస్తున్నారు శాన్ డియాగోలోని కాలిఫోర్నియా విశ్వవిద్యాలయం శాస్త్రవేత్తలు.

మొక్కల్లోనే జన్యుమార్పిడి చేసి అతి తక్కువ ఖర్చుతో కూడిన వ్యాక్సిన్లను, మందులను ఉత్పత్తి చేసే సాంకేతికతను శాస్త్రవేత్తలు తాజాగా అభివృద్ధి చేశారు. ముందుగా ఈ వ్యాక్సిన్లను ఎలుకల్లో ప్రయోగించగా.. అవి SARS-CoV-2 కి వ్యతిరేకంగా యాంటీ బాడీస్​ను అధికంగా ఉత్పత్తి చేసినట్లు పరిశోధకులు తెలిపారు. ఈ వ్యాక్సిన్లను ఫ్రిజ్​లో భద్రపర్చాల్సిన అవసరం లేదని, చాలా తక్కువ ఉష్ణోగ్రతలో నిల్వ చేయాల్సిన పని లేదని చెబుతున్నారు.

దీని ద్వారా వాక్సిన్​ నిర్వహణలో భారీగా ఖర్చు తగ్గుందని గుర్తు చేస్తున్నారు. అయితే ఈ వ్యాక్సిన్లు ప్రస్తుతం అభివృద్ధి ప్రారంభ దశలో ఉన్నాయని, త్వరలోనే మరిన్ని ప్రయోగాలు జరిపి మానువుల ఉపయోగం కోసం విడుదల చేస్తామని కాలిఫోర్నియా విశ్వవిద్యాలయం శాస్త్రవేత్తలు ఒక పత్రికా ప్రకటనలో తెలిపారు.

* ఫ్రిడ్జ్​లో నిల్వ చేయాల్సిన అవసరం లేదు..
ఈ వ్యాక్సిన్లను ఎలుకల్లో ప్రయోగించగా వచ్చిన ఫలితాలను జర్నల్ ఆఫ్ ది అమెరికన్ కెమికల్ సొసైటీలో ప్రచురించారు. శాస్త్రవేత్తలు వారి పరిశోధన ద్వారా రెండు టీకా యాంటీబాడీలను సృష్టించారు. ఒకటి కౌపీ మొజాయిక్ వైరస్​గా పేర్కొనే మొక్కల వైరస్ నుంచి తయారవుతుంది.

మరొకటి బాక్టీరియల్ వైరస్ లేదా బాక్టీరియోఫేజ్ నుంచి తయారవుతుంది. దీన్ని క్యూ బీటా అని కూడా పిలుస్తారు. ఈ యాంటీబాడీలు సమర్థంగా పనిచేయడానికి, వ్యాక్సిన్లను మైనస్ ఉష్ణోగ్రతల వద్ద భద్రపర్చాల్సిన అవసరం లేదని తెలిపారు.

ఇది కూాడా చదవండి : బీసీసీఐ మాస్టర్ స్కెచ్ అదుర్స్.. ధోనీ ఎంపిక వెనుక ఉన్న వ్యూహం అదేనా..?

పరిశోధనలో భాగంగా గుండ్రటి ఆకారంలో గల మిలియన్ల కొద్ది ప్లాంట్​ వైరస్​, బాక్టీరియోఫేజ్ నానోపార్టికల్స్​ను సృష్టించడానికి పరిశోధకులు కౌపే ప్లాంట్స్​, ఇ కోలి బ్యాక్టీరియాను ఉపయోగించారు. ఈ ప్రయోగం ద్వారా మిలియన్ల కొద్దీ నానోపార్టికల్స్‌ను సేకరించారు. తరువాత వాటిని SARS-CoV-2 స్పైక్ ప్రోటీన్​కు వ్యతిరేకంగా యాంటీ బాడీస్​ను ఉత్పత్తి చేసేందుకు ఎలుకల్లో ప్రయోగించారు.
Published by:Sridhar Reddy
First published: