Home /News /business /

WILL TOKENIZATION MAKE YOUR CREDIT AND DEBIT CARD TRANSACTIONS SAFER UMG GH

Tokenization: టోకెనైజేషన్ ఉపయోగాలు ఏంటి..? ఇది క్రెడిట్, డెబిట్ కార్డ్ ట్రాన్సాక్షన్స్‌ను సేఫ్‌గా మారుస్తుందా?

టోకెనైజేషన్‌తో మేలేనా..?

టోకెనైజేషన్‌తో మేలేనా..?

క్రెడిట్ లేదా డెబిట్ కార్డ్ ద్వారా చేసే ఆన్‌లైన్ ట్రాన్సాక్షన్స్ గురించి కస్టమర్లు ఇప్పుడు ఆందోళన చెందాల్సిన అవసరం లేదు. ఎందుకంటే రిజర్వ్ బ్యాంక్ ఆఫ్ ఇండియా (RBI) టోకెనైజేషన్ అనే పద్ధతిని ప్రవేశపెడుతోంది.

క్రెడిట్ లేదా డెబిట్ కార్డ్ ద్వారా చేసే ఆన్‌లైన్ ట్రాన్సాక్షన్స్ గురించి కస్టమర్లు ఇప్పుడు ఆందోళన చెందాల్సిన అవసరం లేదు. ఎందుకంటే రిజర్వ్ బ్యాంక్ ఆఫ్ ఇండియా (RBI) టోకెనైజేషన్ అనే పద్ధతిని ప్రవేశపెడుతోంది. ఈ డేటా సెక్యూరిటీ ప్రక్రియ కారణంగా ఆన్‌లైన్ ట్రాన్సాక్షన్స్ ఇప్పుడు మరింత సురక్షితంగా ఉండబోతున్నాయి. టోకెనైజేషన్ అనేది క్రెడిట్, డెబిట్ కార్డ్‌ల వివరాలను 'టోకెన్' అని పిలిచే ప్రత్యేకమైన ఎన్‌క్రిప్టెడ్ కోడ్‌తో భర్తీ చేసే ప్రక్రియ. మర్చంట్లు కొత్త డేటా మేనేజ్‌మెంట్ ప్రాసెస్‌ను అవలంభించేందుకు RBI మొదట 2020 మార్చి, 2021 సెప్టెంబర్‌లో టోకెనైజేషన్‌ను ప్రతిపాదించింది. ఇప్పుడు వ్యాపారులు టోకెనైజేషన్‌ను తప్పనిసరిగా అమలు చేయడానికి గడువును RBI 2022 సెప్టెంబర్ 30 వరకు పొడిగించింది. ఈ నేపథ్యంలో అపెక్స్ బ్యాంక్ టోకెనైజేషన్‌ను ఎందుకు ప్రవేశపెట్టిందో చూద్దాం.

* టోకెనైజేషన్ ఎలా పని చేస్తుంది?
ఆన్‌లైన్ ప్లాట్‌ఫారమ్‌లో కస్టమర్ల కార్డ్ వివరాలు యూనిక్ టోకెన్‌గా మారుతాయి. ఈ వివరాలు ఒకేసారి ఒక మర్చంట్ వద్ద మాత్రమే సేవ్ అవుతాయి. అసలు కార్డ్ వివరాలను సేవ్ చేయడానికి బదులుగా ఈ వివరాలు మాత్రమే టోకెన్ రూపంలో సేవ్ అవుతాయి. డేటా సేఫ్టీ సమస్యలను అధిగమించడానికి ఆర్బీఐ ఈ ప్రక్రియను ప్రతిపాదించింది. డెబిట్ లేదా క్రెడిట్ కార్డ్‌ల ద్వారా ఆన్‌లైన్‌లో కస్టమర్ల ట్రాన్సాక్షన్లను ప్రాసెస్ చేయడానికి వ్యాపారులు ఇప్పుడు ఈ ప్రత్యేకమైన టోకెన్‌లను ఉపయోగిస్తారు.

ఇదీ చదవండి: ప్రతిభకు మార్కులు కొలమానం కాదు.. ఈ ఐఏఎస్ అధికారే ప్రత్యక్ష సాక్ష్యం.. టెన్త్‌లో ఈయనకు ఎన్ని మార్కులో తెలుసా..?


* టోకెనైజేషన్ కోసం RBI కార్డ్ నెట్‌వర్క్‌లను ఎందుకు అనుమతించింది?
టోకెనైజేషన్ అసలు కార్డ్ వివరాలను టోకెన్ అనే ఆల్టర్నేట్ కోడ్‌తో భర్తీ చేస్తుంది. రిజర్వ్ బ్యాంక్ టోకెనైజేషన్ కోసం మార్గదర్శకాలను జారీ చేసింది. ట్రాన్సాక్షన్ జరిగినప్పుడు అసలు కార్డ్ వివరాలు మర్చంట్‌ వద్ద ఉండవు కాబట్టి ఈ పద్దతి సురక్షితమైనదిగా పరిగణిస్తున్నారు. అలాగే టోకెనైజేషన్‌ను నిలిపివేసే వ్యక్తి ఆన్‌లైన్ ట్రాన్సాక్షన్‌ను ప్రాసెస్ చేసే ప్రతిసారీ తమ పేరు, కార్డ్ నంబర్, గడువు తేదీ, CVVని తప్పనిసరిగా టైప్ చేయాలి కాబట్టి ఇది మరింత సేఫ్టీగా ఉంటుంది. అందుకే ఆర్బీఐ దీనికి అనుమతించింది.

* కస్టమర్‌కు కార్డు టోకెనైజేషన్ తప్పనిసరి కాదా?
ఒక కస్టమర్ తన కార్డ్‌ వివరాలను టోకెనైజ్ చేయాలా వద్దా అనేది వారి ఇష్టం. ఇది తప్పనిసరి రూల్ కాదు. కాంటాక్ట్‌లెస్, QR కోడ్ బేస్డ్, యాప్‌ పేమెంట్స్ వంటి ఉపయోగాల కోసం కస్టమర్ తన కార్డ్‌ను రిజిస్టర్ చేసుకునే లేదా డీ-రిజిస్టర్ చేసుకునే అవకాశం కూడా ఉంది.



* టోకెనైజేషన్ ట్రాన్సాక్షన్‌లో ఎవరెవరు వాటాదారులు?
సాధారణంగా టోకెనైజ్ చేసిన కార్డ్ ట్రాన్సాక్షన్‌లో వ్యాపారి, కొనుగోలుదారు, కార్డ్ పేమెంట్ నెట్‌వర్క్, టెకెన్ రిక్వెస్ట్ జారీ చేసేవారు, కస్టమర్‌ వాటాదారులుగా ఉంటారు. అయితే ఇతర ఎంటిటీ కూడా ట్రాన్సాక్షన్‌లో పాల్గొనవచ్చు.

* కస్టమర్ ఎవరికి ఫిర్యాదు చేయాలి?
టోకెనైజేషన్‌కు సంబంధించిన అన్ని ఫిర్యాదులను కార్డ్ జారీ చేసేవారికి చేయవచ్చు. కార్డ్ జారీచేసేవారు టోకెన్‌లను బహిర్గతం చేసే ఏదైనా ఇతర నష్టాన్ని నివేదించడం కోసం కస్టమర్‌లకు ఈజీ యాక్సెస్‌ అందజేస్తారు. ట్రాన్సాక్షన్ రిక్వెస్ట్ అనేది గుర్తింపు పొందిన డివైజ్‌ల నుంచి మాత్రమే జనరేట్ అయిందని నిర్ధారించుకోవడానికి కార్డ్ నెట్‌వర్క్ ద్వారా సేఫ్టీ మెకానిజంను అందుబాటులో ఉంచినట్లు RBI చెబుతోంది. ఈ విధానం అమల్లోకి వస్తే, ఆన్‌లైన్ ట్రాన్సాక్షన్స్ కోసం అసలు కార్డ్ వివరాలను సేవ్ చేయనందున భవిష్యత్తులో అన్ని ట్రాన్సాక్షన్లు సురక్షితంగా ఉంటాయి.
Published by:Mahesh
First published:

Tags: Banking fraud, Credit card, Debit card, Rbi

తదుపరి వార్తలు