హోమ్ /వార్తలు /బిజినెస్ /

Top 5 CNG cars: ధరల మోతతో పెట్రోల్, డీజిల్ కార్లు కొనలేమా? ఈ సీఎన్జీ కార్లు బెస్ట్ ఛాయిస్

Top 5 CNG cars: ధరల మోతతో పెట్రోల్, డీజిల్ కార్లు కొనలేమా? ఈ సీఎన్జీ కార్లు బెస్ట్ ఛాయిస్

పాకిస్తానీ బ్యాంక్ తయారుచేసిన రెండవ ప్రతిపాదనలో నాలుగు పని దినాలు, రెండు సెలవులు, ఒక రోజు లాక్‌డౌన్ ఉంది. వ్యాపార కార్యకలాపాలు రెండు రోజులు మూసివేయబడతాయి. దీని గురించి చర్చ జరుగుతోంది. దీని వలన నెలకు సుమారు $175 మిలియన్ల ఆదా అవుతుంది. ఇది సంవత్సరానికి $2.1 బిలియన్ల వరకు ఉంటుంది.

పాకిస్తానీ బ్యాంక్ తయారుచేసిన రెండవ ప్రతిపాదనలో నాలుగు పని దినాలు, రెండు సెలవులు, ఒక రోజు లాక్‌డౌన్ ఉంది. వ్యాపార కార్యకలాపాలు రెండు రోజులు మూసివేయబడతాయి. దీని గురించి చర్చ జరుగుతోంది. దీని వలన నెలకు సుమారు $175 మిలియన్ల ఆదా అవుతుంది. ఇది సంవత్సరానికి $2.1 బిలియన్ల వరకు ఉంటుంది.

Top 5 CNG Cars: ఇండియన్​ టాప్​ బ్రాండ్​గా పేరొందిన మారుతీ సుజుకీ సీఎన్​జీ పోర్ట్​ఫోలియోలో అన్ని కంపెనీల కంటే ముందుంది. ప్రస్తుతం ఈ సంస్థ 11 సీఎన్​జీ మోడళ్లను విక్రయిస్తోంది.

రోజురోజుకూ పెట్రోల్​, డీజిల్​ ధరలు పెరుగుతుండటంతో వాహనదారులంతా ప్రత్యామ్నాయ మార్గాల వైపు చూస్తున్నారు. అందుకే ఇటీవలి కాలంలో ఎలక్ట్రికల్​ వాహనాల కొనుగోలు ధోరణి పెరిగింది. అయితే దేశంలో విస్తృతమైన ఛార్జింగ్​ స్టేషన్లు లేకపోవడం ఎలక్ట్రిక్​ వాహనాల వృద్ధికి ఇబ్బందిగా మారింది. ఈ క్రమంలో సీఎన్​జీ వాహనాల విక్రయాలు జోరందుకున్నాయి. ఇదే అదునుగా ప్రముఖ వాహన తయారీ సంస్థలు సీఎన్​జీ కార్లను విడుదల చేస్తున్నాయి. ఇండియన్​ టాప్​ బ్రాండ్​గా పేరొందిన మారుతీ సుజుకీ సీఎన్​జీ పోర్ట్​ఫోలియోలో అన్ని కంపెనీల కంటే ముందుంది. ప్రస్తుతం ఈ సంస్థ 11 సీఎన్​జీ మోడళ్లను విక్రయిస్తోంది. మారుతీ సుజుకితో పాటు ఇతర వాహన తయారీ కంపెనీలు కూడా సీఎన్​జీ వాహనాలను విక్రయిస్తున్నాయి. ప్రస్తుతం మార్కెట్​లో లభిస్తున్న బెస్ట్​ సీఎన్​జీ కార్లను పరిశీలిద్దాం.

మారుతి సుజుకి వ్యాగన్ ఆర్ (Maruti Suzuki Wagon R)

తక్కువ ధర, ఆకట్టుకునే ఫీచర్ల విషయానికి వస్తే, మారుతి సుజుకి వ్యాగన్​ ఆర్​ బెస్ట్ సీఎన్​జీ కారుగా చెప్పవచ్చు. నెలవారీ అత్యధికంగా అమ్ముడవుతున్న కార్ల జాబితాలో వ్యాగన్ ఆర్​ ముందు వరుసలో ఉంది. ఈ కారు రూ. 5.89 లక్షలు (ఎక్స్-షోరూమ్) వద్ద లభిస్తుంది. ఫీచర్ల విషయానికి వస్తే.. సీఎన్​జీ -వాహనంలో 998cc పెట్రోల్ మోటారును అందించింది. ఇది మాన్యువల్ గేర్‌బాక్స్‌తో వస్తుంది. సరైన డ్రైవింగ్ కండీషన్స్​లో ఇది 32.52 km/kg మైలేజీ అందిస్తుంది. ప్రస్తుతం వ్యాగన్ ఆర్​ సీఎన్​జీ వెర్షన్ LXi, LXi (O) ట్రిమ్‌ వేరియంట్లలో మాత్రమే అందుబాటులో ఉంది.

New Rules: నవంబర్‌లో గుర్తుంచుకోవాల్సిన కొత్త రూల్స్ ఇవే


హ్యుందాయ్ గ్రాండ్ ఐ10 నియోస్ (Hyundai Grand i10 Nios)

తక్కువ ధరలో మంచి సీఎన్​జీ వాహనం కోసం చూస్తున్న వారికి హ్యుందాయ్​ గ్రాండ్ i10 నియోస్‌ బెస్ట్​ ఆప్షన్​గా చెప్పవచ్చు. ఈ వాహనం రూ. 7.53 లక్షలు (ఎక్స్-షోరూమ్) వద్ద అందుబాటులో ఉంది. ఈ స్పోర్ట్స్ కారు 1.2- లీటర్ కప్పా VTVT ఇంజిన్​తో వస్తుంది. దీనిలో రివర్స్ కెమెరా, ఏబీఎస్​, ఈబీడీ, ఏసీ వెంట్‌లు, ఎలక్ట్రానిక్‌ అడ్జెస్టెబుల్ ఫ్రంట్​, బ్యాక్​ పవర్ విండోలు, ఆర్​వీఎమ్​లు వంటివి చేర్చింది. అంతే కాకుండా, 1.2 -లీటర్ పెట్రోల్ ఇంజన్ 65 బీహెచ్​పీ శక్తిని ఉత్పత్తి చేస్తుంది. ఈ కారు 18.9 కిమీ/కిలో మైలేజీ అందిస్తుంది.

మారుతి ఎర్టిగా (Maruti Ertiga)

ఎర్టిగా అన్ని సీఎన్​జీ వాహనాల్లో బెస్ట్​ ఆప్షన్​గా చెప్పవచ్చు. ఈ కారు రూ. 9.66 లక్షలు (ఎక్స్-షోరూమ్) వద్ద లభిస్తుంది. దీనిలో 7 మంది కూర్చునేలా సీటింగ్​ సామర్థ్యం ఉంటుంది. దీని వెనుక భాగంలో 5 మంది కూర్చునేలా మడతపెట్టగలిగే సీట్లను అమర్చింది. ఇందులో 1.46- లీటర్ ఆస్పిరేటెడ్ పెట్రోల్ ఇంజన్​ను మారుతి చేర్చింది. ఇది 91 బీహెచ్​పీ శక్తిని ఉత్పత్తి చేస్తుంది. ARAI రేటింగ్ ప్రకారం ఇది 26.2km/kg మైలేజిని అందిస్తుంది. ఇక్కడ పేర్కొన్న అన్ని కార్లలో కెల్లా ఎర్టిగా మాత్రమే 3- స్టార్ గ్లోబల్ NCAP సేఫ్టీ రేటింగ్‌ను కలిగి ఉంది.

LPG Price Hike November 1: దీపావళికి బాంబు పేల్చిన గ్యాస్ సిలిండర్

మారుతి సుజుకి ఎస్​ప్రెస్సో (Maruti Suzuki S-Presso)

తక్కువ ధరలో కొనగలిగే బెస్ట్ సీఎన్​జీ కారుగా మారుతి సుజుకి ఎస్​ప్రెస్సోను చెప్పవచ్చు. ఈ కారు రూ. 5.37 లక్షలు (ఎక్స్-షోరూమ్) ధర వద్ద లభిస్తుంది. దీనిలో 998 సీసీ పెట్రోల్ ఇంజన్​ను అమర్చింది. ఇది 58 బీహెచ్​పీ శక్తిని ఉత్పత్తి చేస్తుంది. ఎస్​ప్రెస్సో తక్కువ కర్బ్ బరువు, అధిక గ్రౌండ్ క్లియరెన్స్​తో వస్తుంది. దీనిలో పార్కింగ్ సెన్సార్లు, బ్లూటూత్ సౌండ్ సిస్టమ్ వంటివి అందించింది. ఇది 32.2 km/kg మైలేజ్​ను అందిస్తుంది.

Business ideas: డెయిరీ ఫాం బిజినెస్ట్ స్టార్ట్ చేయడం ఎలా...ఎంత ప్రాఫిట్ వస్తుంది...

మారుతి సుజుకి ఈ-ఎకో (Maruti Suzuki Eeco)

భారత మార్కెట్​లో అత్యధికంగా అమ్ముడవుతున్న టాప్ 10 కార్లలో మారుతి సుజుకి ఈ-ఎకో కూడా ఒకటి. ఇది రూ. 5.6 లక్షలు (ఎక్స్-షోరూమ్) ధర వద్ద లభిస్తుంది. ఈ సీఎన్​జీ వాహనంలో 5 -మంది కూర్చునే సీటింగ్ సామర్థ్యం ఉంటుంది. ఇది 1198cc పెట్రోల్ ఇంజిన్​తో వస్తుంది. ఈ వాహనం 19.2km/kg మైలేజీని అందిస్తుంది.

First published:

Tags: CNG, Diesel, Diesel rate, Fuel prices, Petrol, Petrol Price

ఉత్తమ కథలు