Reliance Retail: రిలయన్స్ రిటైల్ మరో డీల్.. మెట్రో క్యాష్ & క్యారీని రూ. 2850 కోట్లకు కొనుగోలు.. వివరాలివే..

రిలయన్స్ ఇండస్ట్రీస్ లిమిటెడ్ అనుబంధ సంస్థ అయిన రిలయన్స్ రిటైల్స్ వెంచర్స్ లిమిటెడ్ (RRVL) మెట్రో క్యాష్ అండ్ క్యారీ ఇండియా ప్రైవేట్ లిమిటెడ్ సంస్థలో 100 శాతం ఈక్విటీ వాటాను కొనుగోలు చేసింది. ఇందుకోసం ఒప్పందాన్ని కుదుర్చుకుంది. ఈ డీల్ విలువ రూ.2850 కోట్లు. దేశంలో మెట్రో ఇండియా సంస్థ తన కార్యకలాపాలను 2003లో ప్రారంభించింది. క్యాష్ అండ్ క్యారీ బిజినెస్ ఫార్మాట్ లో వ్యాపారం ప్రారంభించిన దేశంలో మొదటి కంపెనీ ఇది. ప్రస్తుతం.. కంపెనీ 21 నగరాల్లో 3500 మంది ఉద్యోగులతో 31 పెద్ద ఫార్మాట్ స్టోర్లను నిర్వహిస్తోంది. ఈ బహుల-ఛానెల్ B2B క్యాష్ అండ్ క్యారీ హోల్ సేలర్ కు మన దేశంలో 3 మిలియన్ల కంటే కంటే ఎక్కువ B2B కస్టమర్లకు యాక్సెస్ ఉంది. వారిలో 1 మిలియన్ కస్టమర్లు దాని స్టోర్ నెట్వర్క్ మరియు eB2B యాప్ ద్వారా సాధారణ కొనుగోళ్లు చేసేవారు.

మెట్రో ఇండియా కిరాణా మరియు ఇతర చిన్న వ్యాపారులు మరియు వ్యాపారులకు తన సేవలను అందిస్తోంది. 2021-22 ఆర్థిక సంవత్సరంలో కంపెనీ రూ.7700 కోట్ల అమ్మకాలు జరిపింది. భారతీయ మార్కెట్లో వ్యాపారాన్ని ప్రారంభించిన తర్వాత కంపెనీకిదే అత్యుత్తమ సేల్. ఈ కొనుగోలు ద్వారా రిలయన్స్ , రిలయన్స్ రిటైల్ దుకాణదారులు, రిటైల్, సంస్థగత కొనుగోలుదారుల విస్తృత నెట్వర్క్ కు ప్రాప్యతను పొందుతుంది.

దీంతో కంపెనీ తనకంటూ ఓ బలమైన డిస్ట్రిబ్యూషన్ ఛానల్ ను సృష్టించుకోగలుగుతుంది. ఈ కొనుగోలుతో రిలయన్స్ రిటైల్ స్టోర్ల సంఖ్య పెరగనుంది. అలాగే.. మెట్రో ఇండియా యొక్క సప్లై చైన్ నెట్వర్క్ మరియు టెక్నాలజీ ప్లాట్ ఫారమ్ ను సద్వినియోగం చేసుకోవడం ద్వారా కంపెనీ తన కస్టమర్లు మరియు చిన్న వ్యాపారాలకు మెరుగైన సేవలను అందించగలుగుతుంది.

తెలుగు వార్తలు, తెలుగులో బ్రేకింగ్ న్యూస్ న్యూస్ 18‌లో చదవండి. రాష్ట్రీయ, జాతీయ, అంతర్జాతీయ, టాలీవుడ్, క్రీడలు, బిజినెస్, ఆరోగ్యం, లైఫ్ స్టైల్, ఆధ్యాత్మిక, రాశిఫలాలు చదవండి.

Tags: Reliance, Reliance group, Reliance retail