Maruti Suzuki Offers: కొత్తగా కారు కొనాలనుకుంటున్న వారికి మారుతి సుజుకి బంపరాఫర్.. ఈ మోడల్స్ పై భారీ డిస్కౌంట్లు.. ఆఫర్ల వివరాలివే

మారుతి సుజుకి (Maruti Suzuki) కార్లపై ఈ నెలలో భారీ డిస్కౌంట్లు ఉన్నాయి. కొత్తగా కారు కొనాలనుకునే వారు ఈ నెలలో తక్కువ ధరకే మారుతి సుజుకి కారును (Car) కొనుగోలు చేయవచ్చు. నెక్సా (Nexa), ఎరీనా (Arena) డీలర్‌షిప్‌లలో మంచి డిస్కౌంట్‌లు అందుబాటులో ఉన్నాయి. ఈ ఆఫర్‌లు ఎక్స్ఛేంజ్ బోనస్‌లు, కార్పొరేట్ బెనిఫిట్స్, క్యాష్ డిస్కౌంట్ రూపంలో ఉంటాయి. అయితే ఈ నెలలో CNG కార్లపై ఈ ఆఫర్లను కంపెనీ అందించట్లేదు. ఎరీనా షోరూమ్ నుంచి మారుతి సుజుకి కారును కొనుగోలు చేసేవారు ఈ నెలలో పొందగల బెనిఫిట్స్ ఏవో చూద్దాం.

- భారతదేశంలో ఎక్కువ మంది ఇష్టపడే హ్యాచ్‌బ్యాక్‌లలో ఒకటైన మారుతి సుజుకి స్విఫ్ట్ MTని (Swift MT) కొనుగోలు చేయాలనుకుంటే.. దీనిపై రూ. 21,000 వరకు ప్రయోజనాలను పొందవచ్చు. వీటిలో రూ.10,000 ఎక్స్చేంజ్ ఆఫర్, రూ.8,000 క్యాష్ డిస్కౌంట్, రూ.3,000 కార్పొరేట్ ఆఫర్ ఉన్నాయి.
కారు కొనాలనుకుంటున్న వారికి Mahindra శుభవార్త.. ఈ మోడల్స్ పై రూ.80 వేల వరకు డిస్కౌంట్లు.. వివరాలివే

- ఆల్టో 800 (Alto 800) పెట్రోల్, స్టాండర్డ్ వేరియంట్‌ను కూడా ఈ నెలలో రూ. 21,000 వరకు తక్కువ ధరకు కొనుగోలు చేయవచ్చు. ఎరీనా షోరూమ్‌లలో ఈ కారుపై రూ.8,000 క్యాష్ డిస్కౌంట్ ఉంది. రూ.3,000 కార్పొరేట్ ఆఫర్, రూ.15,000 విలువైన ఎక్స్ఛేంజ్ ఆఫర్‌ను కూడా అందిస్తున్నారు.
Top 10 Safest Cars: సేఫెస్ట్ కార్ కోసం చూస్తున్నారా? భారతదేశంలో టాప్ 10 కార్లు ఇవే

- మారుతి నుంచి వచ్చిన సరసమైన సెడాన్, DZire MTపై కూడా ఈ నెలలో రూ. 23,000 వరకు డిస్కౌంట్ ఉంది. రూ. 3,000 కార్పొరేట్ బెనిఫిట్‌ పాటు ఒక్కొక్కరు రూ. 10,000 వరకు క్యాష్ డిస్కౌంట్, ఎక్స్ఛేంజ్ ఆఫర్‌లను పొందవచ్చు.

- మారుతి సుజుకి మినీ SUV, S-Presso MT కొనుగోలుపై రూ. 28,000 వరకు ఆదా చేసుకోవచ్చు. ఎరీనా షోరూమ్‌లో దీనిపై రూ. 15,000 విలువైన క్యాష్ డిస్కౌంట్, రూ. 3,000 కార్పొరేట్ బోనస్, రూ. 10,000 విలువైన ఎక్స్ఛేంజ్ ఆఫర్‌ అందుబాటులో ఉన్నాయి.

- ఇండియాలో అత్యధికంగా అమ్ముడవుతున్న కార్లలో మారుతి సుజుకి వ్యాగన్ ఆర్ (Wagon R) ఒకటి. ఈ వెహికల్ కూడా మే నెలలో చౌకగా లభిస్తుంది. WagonR 1.0-లీటర్‌ వేరియంట్‌పై రూ. 38,000 వరకు డిస్కౌంట్ ఉంది. అయితే ఈ కారు 1.2-లీటర్ వేరియంట్‌పై మాత్రం రూ. 18,000 వరకు ఆఫర్‌ ఉంది.

- సెలెరియో (Celerio) మోడల్‌ను కొనుగోలు చేసేవారు రూ. 33,000 వరకు ఆదా చేసుకోవచ్చు. ఈ మొత్తంలో రూ. 10,000 ఎక్స్ఛేంజ్ బోనస్, రూ. 3,000 కార్పొరేట్ బెనిఫిట్, రూ. 20,000 క్యాష్ డిస్కౌంట్ ఉన్నాయి.

- విటారా బ్రెజ్జా (Vitara Brezza) కూడా ఆఫర్‌లో తక్కువ ధరకే లభిస్తుంది. ఈ మోడల్‌పై రూ. 18,000 వరకు ఆదా చేసుకోవచ్చు. రూ. 10,000 ఎక్స్ఛేంజ్ ఆఫర్‌తో పాటు, రూ. 5,000 క్యాష్ డిస్కౌంట్, రూ. 3,000 కార్పొరేట్ బెనిఫిట్స్ పొందవచ్చు.

తెలుగు వార్తలు, తెలుగులో బ్రేకింగ్ న్యూస్ న్యూస్ 18‌లో చదవండి. రాష్ట్రీయ, జాతీయ, అంతర్జాతీయ, టాలీవుడ్, క్రీడలు, బిజినెస్, ఆరోగ్యం, లైఫ్ స్టైల్, ఆధ్యాత్మిక, రాశిఫలాలు చదవండి.

Tags: CAR, Maruti cars, MARUTI SUZUKI