PAN card: మీ పాన్ కార్డును పోగొట్టుకున్నారా?.. కేవలం 10 నిమిషాల్లో ఈ–పాన్ కార్డ్‌ పొందండిలా..

ప్రస్తుత కాలంలో ఆర్థిక సేవల నుంచి ఆదాయపు పన్ను రిటర్న్‌ దాఖలు వరకు అన్నింటికీ పాన్​ కార్డు తప్పనిసరిగా మారింది. కొన్ని రకాల పొదుపు, పెట్టుబడి పథకాలకు కూడా ఇది అవసరం. చట్టబద్ధమైన గుర్తింపు కార్డుగా కూడా ఉపయోగపడే ఈ అత్యంత కీలకమైన కార్డును పొందడంలో కొందరు ఇబ్బంది పడుతున్నారు. మరికొందరు, పాత కార్డు పోగొట్టుకోవడంతో కొత్త కార్డు ఎలా పొందాలో తెలియక సతమతమవుతున్నారు. అటువంటి వారి కోసం ఆదాయపు పన్ను శాఖ ఓ కొత్త సౌకర్యాన్ని అందుబాటులోకి తెచ్చింది. రోజుల తరబడి ఎదురు చూడాల్సిన పనిలేకుండా తక్షణమే ఈ–పాన్​ కార్డును తిరిగి డౌన్​లోడ్​ చేసుకునే అవకాశం కల్పిస్తోంది. వ్యక్తిగత పన్ను చెల్లింపుదారులు ఈ సదుపాయాన్ని ఉపయోగించుకోవాలని కోరింది. కేవలం ఆధార్​ కార్ట్​ నెంబర్​తో ఈ–పాన్​ను సులభంగా డౌన్​లోడ్​ చేసుకోవచ్చని తెలిపింది. అయితే, ఆధార్​ కార్డు తప్పనిసరిగా మీ మొబైల్ నంబరుకు అనుసంధానించి ఉండాలి.

ఈ-పాన్​ను 10 అంకెల ఆల్ఫా న్యూమరిక్ నంబర్​తో ఆదాయపు పన్ను శాఖ జారీ చేస్తుంది. ఒకవేళ మీరు మీ ఫిజికల్ పాన్ కార్డ్‌ను పోగొట్టుకుంటే, మీరు ఈ–పాన్​ కోసం ఆన్‌లైన్‌లో దరఖాస్తు చేసుకోవచ్చు. ఈ ప్రక్రియ పూర్తి చేయడానికి మీకు కేవలం 10 నిమిషాల సమయం పడుతుంది. ఆన్​లైన్​లో ఈ–పాన్​ కార్డ్‌ని ఎలా డౌన్‌లోడ్ చేసుకోవాలో చూద్దాం.

చెల్లెలితో కాపురానికి భర్తను ఒప్పించిన భార్య -ఆ తర్వాత జరిగిన ట్విస్టులు మామూలుగా ఉండవు..

* ఈ-పాన్ కార్డ్‌ని డౌన్‌లోడ్ చేయడం ఎలా?

- ముందు ఆదాయపు పన్ను అధికారిక వెబ్​సైట్​ https://www.onlineservices.nsdl.com/paam/requestAndDownloadEPAN.html లోకి లాగిన్​ అవ్వండి.

- ఆ తర్వాత 'డౌన్‌లోడ్ ఈ-పాన్' ఆప్షన్​పై క్లిక్ చేయండి.

- మీ పాన్​ కార్డు నంబర్​, ఆధార్​ కార్డు నంబర్లను నమోదు చేయండి.

- ఆ తర్వాత మీ పుట్టిన తేదీని నమోదు చేయండి. నిబంధనలు, షరతులను అంగీకరించండి.

- వెంటనే మీ రిజిస్టర్డ్ మొబైల్ నంబర్‌కు ఓటీపీ వస్తుంది. ఓటీపీ ఎంటర్​ చేసి కన్ఫర్మ్ బటన్‌ను నొక్కండి.

- ఆ తర్వాత, పేమెంట్ ఆప్షన్​ చూపిస్తుంది. ఈ-పాన్​ కోసం రూ. 26 చెల్లిస్తే సరిపోతుంది, మీరు యూపీఐ, డెబిట్ కార్డ్ లేదా క్రెడిట్ కార్డ్‌తో చెల్లింపు పూర్తి చేయవచ్చు.

- చెల్లింపు పూర్తయిన తర్వాత, మీరు మీ e-PAN కార్డ్‌ని డౌన్‌లోడ్ చేసుకోవచ్చు. పాన్​ కార్డ్ పీడీఎఫ్​ ఫైల్​కు పాస్‌వర్డ్‌ ప్రొటెక్షన్​ ఉంటుంది. మీ పుట్టిన తేదీని పాస్​వర్డ్​గా ఎంటర్​ చేయాల్సి ఉంటుంది. అప్పుడు మీ ఈ–పాన్​ ఓపెన్​ అవుతుంది.

తెలుగు వార్తలు, తెలుగులో బ్రేకింగ్ న్యూస్ న్యూస్ 18‌లో చదవండి. రాష్ట్రీయ, జాతీయ, అంతర్జాతీయ, టాలీవుడ్, క్రీడలు, బిజినెస్, ఆరోగ్యం, లైఫ్ స్టైల్, ఆధ్యాత్మిక, రాశిఫలాలు చదవండి.

Tags: Income tax, PAN card