Chandrayaan-2 : చందమామను చంద్రయాన్ 2 ఎలా పరిశోధిస్తుంది?

ISRO Chandrayaan-2 : అమెరికా అంతరిక్ష పరిశోధనా సంస్థ - నాసా సైతం... ఇండియా చేపడుతున్న చంద్రయాన్-2 ప్రయోగాన్ని ఆసక్తిగా చూస్తోంది. నిజానికి చంద్రయాన్-2 అనేది నాసా చేస్తున్న ప్రాజెక్టులతో పోల్చితే చిన్నదే. కానీ ఇండియా వైపు నుంచి చూస్తే... ఇది మనకు చాలా పెద్ద ప్రాజెక్టు. ఇంకా చెప్పాలంటే... మార్స్ మంగళయాన్ తర్వాత... అంతటి ప్రతిష్టాత్మకమైన, సవాళ్లతో కూడిన మిషన్. ఇంతకీ చంద్రయాన్-2 ప్రాజెక్టు ద్వారా మనకు ఏం తెలుస్తుంది? ఎందుకు ఈ ప్రాజెక్టు మనకు అంత ముఖ్యమైనది?

Krishna Kumar N | news18-telugu
Updated: July 14, 2019, 12:12 PM IST
Chandrayaan-2 : చందమామను చంద్రయాన్ 2 ఎలా పరిశోధిస్తుంది?
చంద్రయాన్ 2 (Image : ISRO)
  • Share this:
* ఇండియా తొలిసారి చందమామపై ల్యాండర్, రోవర్‌ను దించుతోంది. ఈ ప్రయోగం మనకు అంత ముఖ్యమైనదా?
2008 అక్టోబర్ 22న ఇస్రో చంద్రయాన్ 1 ఉపగ్రాన్ని ప్రయోగించింది. శ్రీహరికోట నుంచీ PSLV రాకెట్ ద్వారా నింగిలోకి ఉపగ్రహాన్ని పంపింది. తద్వారా చందమామపై జెండా పాతిన నాలుగో దేశంగా భారత్ గుర్తింపు పొందింది. చందమామపై చంద్రయాన్ 1... నీటి జాడలు కనిపెట్టింది. అలాగే మెగ్నీషియం, అల్యూమినియం, సిలికాన్ ఉండటాన్ని గుర్తించింది. ఇప్పుడు దాదాపు దశాబ్దం తర్వాత... చంద్రయాన్ 2ని ప్రయోగిస్తున్నాం. ఇందుకు GSLV మార్క్ 3 రాకెట్‌ను ఉపయోగిస్తున్నాం. అమెరికా మిషన్ అపోలో 11 చందమామపైకి వెళ్లి... మంగళవారంతో 50 ఏళ్లు అవుతుండగా... సరిగ్గా ఒక రోజు ముందు చంద్రయాన్ 2 ప్రయోగం జరగబోతోంది. 1969 జులై 20న తొలిసారిగా నీల్ఆర్మ్‌స్ట్రాంగ్... చందమామపై కాలు పెట్టారు.



Loading...
* చంద్రయాన్ 2 ఎలా ప్రారంభిస్తారు?
ముందుగా GSLV మార్క్ 3 రాకెట్... నింగిలోకి వెళ్లి... చంద్రయాన్ 2 ఉపగ్రహం ఉన్న ఆర్బిటర్‌ను.. భూ నిర్దేశిత కక్ష్య (170 km X 40,400 km)లో ప్రవేశపెడుతుంది. ఆ తర్వాత చందమామ కక్ష్యామార్గంలోకి వెళ్లేవరకూ ఆర్బిటర్ ఎత్తును పెంచుతూ పోతారు. చందమామ వాతావరణంలోకి వెళ్లాక... స్పేస్‌క్రాఫ్ట్... ఆన్ బోర్డ్ ట్రస్టర్లు... స్పేస్ క్రాఫ్ట్ నెమ్మదించేలా చేస్తాయి. తద్వారా దాన్ని చందమామ ఆకర్షిస్తుంది. ఆ తర్వాత అది చందమామ చుట్టూ కక్ష్యా మార్గం (100 km X 100 km)లో ఈజీగా తిరుగుతుంది. ఈ ఆర్బిటర్ ద్వారా... రోవర్ ఉన్న ల్యాండర్ విడిపోతుంది. కొన్ని బ్రేకింగ్ వ్యవస్థల ద్వారా... ల్యాండర్... నెమ్మదిగా చందమామ దక్షిణ ధ్రువంపై దిగుతుంది. 2019 సెప్టెంబర్ 6న ఇది జరగనుంది.

* చంద్రయాన్ 2 ప్రత్యేకత ఏంటి?
చంద్రయాన్ 2 అనేది... చందమామ దక్షిణ ధ్రువాన్ని పరిశోధించబోతున్న తొలి మిషన్. ఇందులో ఆర్బిటర్, విక్రం అని పిలిచే ల్యాండర్, ప్రజ్ఞాన్ అనే రోవర్ ఉంటాయి. ఇస్రోని స్థాపించిన విక్రమ్ సారాభాయ్ పేరు మీద ల్యాండర్‌కు విక్రమ్ అని పేరు పెట్టారు. ప్రజ్ఞాన్ అంటే తెలివితేటలు, నాలెడ్జ్ అని అర్థం. చంద్రయాన్ 2 బరువు 3,877 కేజీలు. చంద్రయాన్ 1 కంటే ఇది నాలుగు రెట్లు బరువు ఎక్కువ. చంద్రయాన్ 1 సాంకేతిక లోపంతో చంద్రమామపై కూలిపోయింది. చంద్రయాన్ 2 అనేది రాకెట్ టెక్నాలజీ ద్వారా... ల్యాండర్‌ను చందమామపై దించబోతోంది. ఇందుకోసం సరైన ప్రదేశాన్ని ఎంచుకుంటారు. రెండు పగులు లోయల (మాంజినస్-సి, సింపెలియస్ ఎన్) మధ్య ఉండే ఎత్తైన మైదానంలో... ల్యాండర్ దిగుతుంది. సెప్టెంబర్ 6న ఇది జరుగుతుంది. ఈ ప్రాజెక్టుకు అయిన ఖర్చు రూ.978 కోట్లు. ల్యాండర్, రోవర్ కలిపి... 14 రోజులు పనిచేస్తాయి. చంద్రుడి చుట్టూ తిరిగే ఆర్బిటర్ మాత్రం ఏడాది పనిచేస్తుంది.

chandrayaan-2,chandrayaan 2,chandrayaan-2 mission,chandrayaan,chandrayaan-2 launch,chandrayaan 2 launch video,isro chandrayaan 2,chandrayaan-2 launch date,chandrayaan 2 launch date,chandrayaan 2 mission,chandrayaan 2 rover,chandrayaan 2 launch,chandrayan- 2,chandrayaan 2 isro,chandrayan 2,isro,chandrayaan2,chandrayaan 2 in hindi,chandrayan 1,mission chandrayaan-2,launch of chandrayan 2,chandrayaan-2 satellite,india,ఇస్రో,చంద్రయాన్ 2,చంద్రయాన్-2,ఇస్రో ఛైర్మన్,ప్రత్యేకతలు,విశేషాలు,
చంద్రయాన్-2 ప్రయోగ ఊహా చిత్రం (Image : Twitter / ISRO)


* ప్రజ్ఞాన్ రోవర్ ఎలా పనిచేస్తుంది. అది ఎన్ని రోజులు పనిచేస్తుందో ఎలా చెప్పగలం?
చందమామ తన చుట్టూ తాను తిరిగేందుకు సుమారుగా 29.5 రోజులు పడుతుంది. భూమి చుట్టూ తిరిగేందుకు కూడా అంతే సమయం పడుతోంది. అందుకే మనం చందమామకు ఒకవైపు భాగాన్ని మాత్రమే చూడగలుగుతున్నాం. ఈ కాలంలో సగం సమయం చందమామపై అంతటా సూర్యుడి కిరణాలు పడతాయి. అంటే దాదాపు 14 రోజుల కంటే కాస్త ఎక్కువ. సెప్టెంబర్ 6న చందమామపై రోవర్ దిగేటప్పుడు... సూర్యకాంతి చందమామపై పడుతుంది. అదే సమయంలో... చందమామ... భూమికి కనిపిస్తుంది. ఇలా 14 రోజులపాటూ సూర్యకాంతి పడుతుంది. అదే సమయంలో ల్యాండర్, రోవర్ 14 రోజులు పనిచేస్తాయి. అవి రెండు సోలార్ పవర్‌తో పనిచేస్తాయి కాబట్టి... సోలార్ పవర్ అయిపోగానే అవి పనిచేయడం మానేస్తాయి. అంటే... 14 రోజుల తర్వాత... ఆ ప్రదేశంలో నీడ పడి... ఉష్ణోగ్రత -180 డిగ్రీల సెల్సియస్‌కి పడిపోతుంది. నెక్ట్స్ 14 రోజుల తర్వాత... తిరిగి ల్యాండర్, రోవర్ పనిచేస్తే... అది బోనస్సే అంటోంది ఇస్రో.


అతి తీవ్రమైన చలిలో ఇస్రో పంపిన మిషన్లు పనిచేసే అవకాశం లేదు. ఐతే... అమెరికా, చైనా మాత్రం చంద్రుడికి అవతల వైపున అత్యంత చల్లదనంలో కూడా పనిచేసే మిషన్లు పంపాయి. ఆ మిషన్లలో వేడి పుట్టించే టెక్నాలజీని వాడారు.

* చందమామను ఈ మిషన్ ఎలా పరిశోధిస్తుంది?
చందమామ ఉపరితలాన్ని పరిశోధించేందుకు ఆర్బిటర్ ఆన్ బోర్డ్‌లో టెర్రైన్ మ్యాపింగ్ కెమెరా 2 ఉంది. ఇది చందమామను 100 కిలోమీటర్ల ఎత్తు నుంచీ ఫొటోలు తీస్తుంది. ఈ ఫొటోలను ఉపయోగించి... చందమామ త్రీడీ ఇమేజ్‌లను తయారుచేస్తారు. ఇలాంటివి చంద్రయాన్ 2లో 8 ఉన్నాయి. ల్యాండర్‌లో మూడు ఉన్నాయి. కొన్ని పరికరాలు... చంద్రమామపై ఎలక్ట్రాన్ల సాంద్రతనూ, చందమామ ఉపరితలంపై ఉష్ణోగ్రతనూ, చంద్రుడి ప్రకంపనలనూ తెలుసుకోగలవు.

చందమామలో ఏయే మూలకాలు ఉన్నాయో తెలుసుకునేందుకు రోవర్‌లో రెండు పరికరాలు ఉన్నాయి. అవి చందమామ మట్టి శాంపిళ్లను సేకరిస్తాయి. రోవర్‌కి మొత్తం ఆరు చక్రాలుంటాయి. అది చందమామపై దిగగానే... 500 మీటర్ల వరకూ వెళ్తుంది.

* చందమామపై ల్యాండర్ సేఫ్‌గా దిగేందుకు వీలుందా ?
ఇప్పటివరకూ చందమామపై 38 సార్లు సాఫ్ట్ ల్యాండింగ్ చేశారు. వాటిలో సక్సెస్ రేటు 52 శాతంగా మాత్రమే ఉందని ఇస్రో తన వెబ్‌సైట్‌లో తెలిపింది.

* అసలీ మిషన్ అవసరమా? మనం చందమామను ఎందుకు పరిశోధించాలి?
పరిశోధించేందుకు వీలైన వాతావరణం చందమామపై ఉంది. మిగతా గ్రహాల కంటే చందమామ మనకు దగ్గరగా ఉంది. అది ఎలా ఏర్పడింది, ఎలా ఇలా మారిందో తెలుసుకుంటే, మన సౌర వ్యవస్థ గురించి మరిన్ని విషయాలు తెలిసే ఛాన్సుంది. స్పేస్ ట్రావెల్‌పై అంచనాలు పెరుగుతున్నాయి. భూమి లాంటి గ్రహాలున్నట్లు తెలుస్తోంది. భూమి ఉపగ్రహమైన చందమామ గురించి ఎంత తెలుసుకుంటే అంత మంచిది. వేరే గ్రహాలపైకి ఎలాంటి మిషన్లు పంపాలో తెలుస్తుంది.
First published: July 14, 2019
మరిన్ని చదవండి
Loading...
తదుపరి వార్తలు
Loading...